Սննդի անվտանգության պետական ծառայությունն այս տարի գրեթե եռակի ավելի ահազանգ է ստացել, քան՝ անցյալ տարի՝ հայտարարում է Սննդամթերքի անվտանգության պետական ծառայության պետը:
Իշխան Կարապետյանը, սակայն, սա բացատրում է ոչ թե խնդիրների ավելացմամբ, այլ դրանցով ավելի շատ զբաղվելով: Սակայն արդյո՞ք բազմաթիվ խնդիրների առկայությունն ու դրանց մասին ահազանգը չի խոսում պատասխանատուների բացթողումների մասին ու պատճառ դառնում այս կառույցի հանդեպ անվստահության:
Կարապետյանը վրդովվում է նման դիտարկումից, բայց միաժամանակ նաեւ դժվարանում մատնանշել սննդին առնչվող որեւէ ոլորտ, որտեղ մարդը կարող է առանց մտավախության ձեռքը մեկնել տվյալ սննդատեսակին:
