Այսօր ԱԺ մեծ դժվարությամբ հաջողվեց ավարտին հասցնել արտահերթ նստաշրջանը եւ սպառել կառավարության առաջարկած օրակարգը: Բոյկոտ, աշխատանքի խաթարում, անվերջանալի ընդմիջումներ եւ լարված իրավիճակ:
Տարեվերջին պատգամավորները նույնիսկ միմյանց սպառնացին, որ վտանգի տակ են դրվում գործընկերային հարաբերությունները:
Այս մթնոլորտը ձեւավորվել էր դեռ երեկվանից, երբ Դատական օրենքում լրացումներն ու փոփոխություններն առաջին ընթերցմամբ ընդունվեցին վիճելի մեկ ձայնի առավելությամբ: Վեճը եւ պայքարը շարունակվեց նաեւ այսօր ողջ օրվա ընթացքում: