Գեղարքունիքի մարզի Ճամբարակի տարածքի Մարտունի գյուղում կարիքավոր 13 ընտանիքի «Զարգացման սկզբունքներ» հասարակական կազմակերպությունը 2 տարի առաջ տրամադրել է 13 հղի կով, որոնց ծնած առաջին հորթերը 3 տարի անց փոխանցվելու են այլ կարիքավոր ընտանիքիների:
Գյուղի սոցիալական բեռի թեթևացման նախաձեռնությունը «Զարգացման սկզբունքներ» հասարակական կազմակերպության ծրագրերից մեկն է, որի համար ներդրվել է 25000 ԱՄՆ դոլար: Գյուղում առկա հիմնախնդիրները նաև երիտասարդների չամուսնանալու պատճառ են դարձել:
Մարտունի գյուղի բնակիչներն անհանգստած են գյուղի երիտասարդների ճակատագրով, սոցիալական խնդիրների պատճառով նրանք չեն ամուսնանում: 583 բնակիչ ունեցող գյուղում շուրջ 80 երիտասարդ խուսափում է ընտանիք կազմելուց:
Խնդիրը նեղ ընտանեկան շրջանակներից դուրս է եկել ու դարձել համայքային: Դպրոցի տնօրեն Արամայիս Խաչատրյանը երանությամբ է հիշում այն ժամանակները, երբ դպրոցի աշակերտների թիվը 200-ից ավելի էին, հիմա ընդամենը 49 աշակերտ ունեն: Ասում է՝ գյուղից չեն հեռանում, բայց չեն էլ ամուսնանում:
Արդեն 2 տարի Մարտունին դարձել է խորհրդանշական գյուղ և տարբեր հասարակական կազմակերպություններ ներդրումներ են անում՝ գյուղի սոցիալական վիճակը բարելավելու նպատակով: Մարտունիի աշխարհագրական դիրքն ու կլիման հնարավորություն չի տալիս երկրագործությամբ զբաղվելու համար, անասնապահությամբ են զբաղվում, բայց անասուններ ունեցողների թիվը քիչ է:
Խնդրի լուծմանն օգության ձեռք է մեկնել «Զարգացման սկզբունքներ» հասարակական կազմակերպությունը: 2015թ 13 կարիքավոր ընտանիքի տրվել է 13 հղի կով, յուրաքանչյուրի վրա ծախսելով 1500 դոլար:
13 ընտանիքի անասնապահությամբ զբաղվելու ըևնդհանուր ներդրումը 25000 դոլար է: Այդ ընտանիքների համար կազմակերպվում է անասնապահությանը վերաբերող ուսուցողական դասընթացներ, տրվել են անասնաբուժական դեղամիջոցներ:
Սուսաննա Ղումաշյանի ընտանիքը կարիքավոր է, առանց ամուսնու մեծացնում է երկու երեխաներին և պահում սկեսրոջը: Դժվարություններ շատ է կրում: 13 կովից մեկն իրեն է բաժին հասել: Մեկ կովի կաթից մածուն, պանիր է ստանում:
Կթու կովը մեծ աջակցություն է Գայանե Հարությունյանի ընտանիքին: Բազմազավակ մայր է, 4 երեխա ունի, առավոտյան դպրոց գնալիս երեխաների նախաճաշում կաթի, կաթնաշոռի ու պանրի պակաս արդեն չկա: Խոզ ու ոչխար են պահել, բայց խոշոր եղջերավոր չեն ունեցել: Մեկ կովից 2 հորթ ունեն:
Առաջին ծնված հորթը հաջորդ տարում փոխանցելու են մեկ այլ ընտանիքի: Այս սկզբունքով գյուղում անասանպահություն են զարգացնելու: Կաթը երբեմն փոխանակում են խանութում վաճառվող այլ ապրանքի հետ, բայց սա ձեռնտու չէ:
Զարգացման սկզբունքների նախաձեռնությամբ հաջորդ տարում ևս 13 ընտանիք կունենա խոշոր եղջերավոր անասուն: կազմակերպության հաշվարկներով 3 տարվա ընթացքում մեկ ընտանիքում անասունների թիվը քառապատկվելու է: Գյուղում անասնակերի պակաս չկա, բարձրադիր վայրերի արոտներից խոտը քաղել, հակավորել են ՝ ձմեռն անցկացնելու համար:
