Մաքուր Արմավիրը սկսվում է քո տնից
Արմավիրի մարզում ամփոփվել է աղբի հավաքման և տեսակավորման մրցույթը, որը հայտարարել էր Հայաստանում Չեխիայի հանրապետության դեսպանատունն ու բնապահպանության նախարարությունը ,,Կանաչ Հայաստան՝ աղբահանության միջոցով,, ծրագրի շրջանակներում:
Մարզի հանրակրթական դպրոցներում իրականացվել է աղբի հավաքման և տեսակավորման դասընթաց, որով մարզում ձևավորվելու աղբի հավաքման մշակույթ: Հաղթողներին չեխ դեսպանը հանձնել է համակարգիչներ:
Արմավիրի մարզում աղբի վերամշակման գործարանի կառուցման հիմքերը կդրվեն հաջորդ տարվա սկզբում: Մոտ օրերս սպասվում է չեխ ներդրողների այցն Արմավիր: Մինչև գործարանի կառուցումը Չեխիայի դեսպանատունը բնապահպանության նախարարության հետ Արմավիրի մարզի հանրակրթական դպրոցներում իրականացրել է Կանաչ Հայաստան՝ աղբահանության միջոցով ծրագիրը: Աղբի տեսակավորման մասին գիտելիքները երեխաները դպրոցից տանում են տուն ու համայնք: Մարզում ձևավորվելու է աղբի հավաքման և տեսակավորման մշակույթը՝ մաքուր պահելով շրջակայքը: Դասընթացները ծառայել են նպատակին, այս կարծիքին է Արմավիրի մարզպետարանի կրթության, մշակույթի և սպորտի վարչության պետ Գայանե Սայադյանը:
Աշակերտների մտքի թռիչքն անսահման է, կրեատիվ մտածելակերպն էլ եզրեր չունի: Անպետք իրերն ու թափոնները գունազարդվել ու վերածվել են հետաքրքիր առարկաների: Կարևորվել է աղբի տեսակավորումը, որ էլ ավելի կհեշտացնի վերամշակման գործընթացը:
Չեխիայի կառավարության օժանդակությամբ հայտարարված ,, Մաքուր Արմավիրը սկսվում է քո տնից,,մրցույթի արդյունքներն արդեն ամփոփվել են ու հայտնի են հաղթողները: Նորավանի դպրոցն աչքի է ընկել առավել ակտիվությամբ: Դպրոցի տնօրեն Հովհաննես Ստեփանյանը նշեց, որ թափոններից ստացել են չինական թաղամաս՝ տնակներով:
Անպետք իրերը աշակերտների հմուտ ձեռքերի շնորհիվ զարդարել են նաև Հովտամեջի դպրոցի անկյուններ այն դրաձնելով Եդեմական վայր: Հովտամեջ գյուղի դպրոցի տնօրեն Նարինե Եղյանը խրախուսում է երեխաների նախաձեռնությունը: Մաքուր Արմավիր ծրագրի 2-րդ մրցանակակիրներն են:
Հայաստանում Չեխիայի հանրապետության դեսպան Պետր Միկիսկան կարևորեց կրթական և ուսուցողական ծրագրի իրականացումը, որն իր բնորոշմամբ ապագայի ծրագիր է, միտված է պահպանել բնությունն ու շրջակա միջավայրը:
Հաղթողներին, այդ թվում նարև Վաղարշապատի հատուկ օժանդակ դպրոցին չեխ դեսպանը հանձնեց համակարգիչներ: