Տնտեսական

Հայ-իրանական տնտեսական շահերը համադրելի՞

Հայ-իրանական համաժողով՝ երկու երկրների գործարար կապերն ամրապնդելու նպատակով:  Այն  իր աշխատանքներն է սկսել այսօր՝ Երևանում: Զարգացման հայկական հիմնադրամի  միջազգային համագործակցության թիմի ղեկավար Նարեկ Ալեքսանյանի տեղեկացմամբ,  Իրանից հիսունից  ավելի գործարար է   Հայաստան այցելել:

Հայկական կողմից համաժողովին մասնակցում է  մոտ 70 գործարար:  Հետաքրքրության շրջանակները տարբեր են՝ սննդի վերամշակումից մինչև զբոսաշրջություն ու ծառայություններ: 

Առաջիկայում կսկսի գործել նաև  Մեղրի ազատ տնտեսական գոտին:  Տնտեսական զարգացման ու ներդրումների նախարարի տեղակալ Էմիլ Տարասյանի խոսքով, Մեղրին իր դիրքով նպատակ ունի խթանել հայ-իրանական առևտրաշրջանառությանը, զբոսաշրջությանը, ծառայությունների ոլորտին։

Սա  փոխշահավետ համագործակցության հնարավորություն է թե՛ Հայաստանի, թե՛ Իրանի տնտեսվարող սուբյեկտների համար:      

Հայաստանից Իրան, հետո վերադարձ՝ նորից  Հայաստան; Զրուցակիցս ծանոթ է թե Հայաստանի, թե Իրանի գործարար միջավայրին ու հատկապես  հարկային օրենսդրությանը:

Շինարարական բիզնեսով զբաղվող  Սերյոժա Սուքիասյանը   տարբերություններն ու նմանությունները երկար կարող է թվարկել՝ աշխատանքն  արագ  էին կազմակերպում,  շինանյութ հեշտ էին ձեռքբերում:

Հայաստանում հարկային օրենսդրությունից նախկինում դժգոհ էին, այժմ՝ գոհ են նաև իրանցի զրուցակիցներս։ Նրանք էլ արդեն մի քանի տարի է, ինչ Հայաստանում են բիզնես գործունեություն ծավալում: Ռե Զաիանն իր գործընկերների հետ թեյի բիզնեսով է զբաղվում:

Այստեղ փաթեթավորում ու պիտակավորում են թեյը՝ նախատեսելով  այն իրացնել ինչպես հայկական շուկայում, այնպես էլ արտահանել ՌԴ:  Ընդհանուր առմամբ, բիզնես միջավայրից գոհ են, դժգոհություններ չունեն այս պահին: Իրանցի գործարար  Ջավադ  Բիմեդարը այսօր գոհ է բիզնես միջավայրից, թեեւ հարկային աշխատողներից  նախկինում մնացած  հիշողությունները  դեռ  թարմ են:

Զրուցակիցներս, թերևս, անուղղակիորեն  հավաստիացնում են՝  ՀՀ- ն կարող է  կամուրջ լինել Իրանի ու ԵԱՏՄ անդամ երկրների միջև: Իրանը նոր շուկաների կարիք ունի և կարող է Մեղրիի ազատ տնտեսական գոտին կամուրջ դառնալ ԻԻՀ-ի և ԵԱՏՄ-ի միջև՝ ասում է տնտեսական զարգացման ու ներդրումների  փոխնախարար Էմիլ Տարասյանը:

Էմիլ Տարասյանի խոսքով,  խնդիրներ կան բանկային ու ֆինանսական համակարգում, ու ոչ միայն:

Իրանագետ Վարդան Ոսկանյանն  ընդգծում է՝ Հայաստանն ու Իրանը  հսկայական չօգտագործված  ներուժ ունի: Առանձնացնում է՝ «Գազ- էլեկտրաէներգիայի դիմաց» նախագիծը։

Երրորդ բարձրավոլտ էլեկտրագծի կառուցում, համագործակցություն Թուրքմենստան- Իրան- Հայաստան ու  Վրաստան- Հայաստան- Իրան  ձևաչափերում, Մեղրիի ՀԷԿ-ի շինարարություն: Տրանսպորտի ոլորտում զրուցակիցս հետևյալ երկու ծրագրերն է առանձնացնում:

Նշված երկու ծրագրերն էլ պետք է հայտարարվեն համազգային կարևորության ծրագրեր՝ ասում է իրանագետը։ Պարզաբանում է՝ դրանք բացի տնտեսականից կարևորագույն աշխարհաքաղաքական նշանակություն ունեցող ծրագրեր են: Սրանց միջոցով  է  Հայաստանը տարածաշրջանում ապացուցելու  հզոր պետություն դառնալու իր հավակնությունները:

Իրանը  տարածաշրջանում մեծագույն քաղաքական ազդեցություն ու հնարավորություններ ունի՝ ասում է ու ընդգծում ՝ պետք է օգտվել այդ հնարավորություններից:

Վերջին շրջանում մարեցին Իրանից ռուսականից ավելի մատչելի գնով  դեպի Հայաստան գազ բերելու խոսակցությունները: Վարդան Ոսկանյանն ընդգծում է՝  գազային խնդիրը միայն տնտեսական չէ, նաև՝ քաղաքական է:

«Ռադիոլուրի» զրուցակիցն առկա հնարավորությունները իրանական գազով փոխարինելը  իրատեսական չի համարում: Իրատեսական է համարում  իրանական գազի արտահանումն իրականացնելու ծրագիրը։

Back to top button