Բացվեց ՀՀ և ՌԴ դիվանագիտական հարաբերությունների 25-ամյակին նվիրված ցուցահանդեսը
Հայաստանի ազգային պատկերասրահում հանրապետության նախագահն այսօր մասնակցել է «Հայաստան-Ռուսաստան. բարեկամություն՝ կոփված դարերով» պատմավավերագրական ցուցահանդեսի բացմանը: Պատկերասրահի որմնանկարների դահլիճում ներկայացվել է երկու երկրների 25-ամյա համատեղ դիվանագիտության պատմությունը ՝ փաստաթղթերով ու լուսանկարներով:
«Մեր ժողովորդներինն միավորում են բազմաթիվ խորը բարեկամական կապերը , որոնք բոլոր ժամանակներում մեր հարաբերությունների մեջ որոշիչ են եղել։ Դիվանագիտական հարաբերությունների հաստատումը նոր էջ էր ժամանակակից պատմության մեջ, որը անցել է ժամանակի փորձությունը: Հայ-ռուսական ռազմավարական դաշնակցային գործընկերությունն ամենահաջողվածն ու արդյունավետն է հետխորհրդային տարածքում։ Հայաստանում ավելի քան 2000 ձեռնարկություն է գործում ռուսական կապիտալով, զարգացնում ենք համագործակցությունը էներգետիկայի, տրանսպորտի, հանքարդյունաբերության, նորարարական տեխնոլոգիաների, մի շարք այլ ոլորտներում»։
Երկու երկրների արտաքին գործերի նախարարների, այլ պաշտոնատար անձանց և հյուրերի ուղեկցությամբ Հանրապետության Նախագահը դիտել է տարբեր ոլորտներում հայ-ռուսական համագործակցությունը ներկայացնող արխիվային փաստաթղթերն ու լուսանկարները:
Դրանց թվում ՝ Հայաստանի Հանրապետության և Ռուսաստանի Դաշնության միջև դիվանագիտական հարաբերություններ հաստատելու մասին 1992-ի ապրիլի 3-ի արձանագրությունն է:
ՌԽՖՍՀ նախագահ Բորիս Ելցինի հայտարարությունը Հայաստանի հանրապետության անկախությունը ճանաչելու մասին:
ՀՀ և Ռուսաստանյան Ֆեդերացիայի միջև բարեկամության, համագործակցության և փոխադարձ անվտանգության մասին պայմանագիր
2000 թվականի սեպտեմբերի 26-ի հռչակագիրը ՀՀ և ՌԴ միջև 21-րդ դար ուղղված դաշնակցային փոխգործակցության մասին:
Նախագահ Սարգսյանի ներկայությամբ տեղի է ունեցել նաև «Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 25-ամյակը» թեմային նվիրված նամականիշներով գեղաթերթիկի մարման արարողությունը, որն իրականացրել են ՀՀ և ՌԴ արտգործնախարարները ու ՀՀ կապի, տրանսպորտի և տեղեկատվական տեխնոլոգիաների նախարարը: