Հասարակություն

Վարորդի թերի գիտելիքները՝ վթարների պատճառ

Այս տարի ճանապարհատրանսպորտային պատահարների աճ է գրանցվել:

Վարորդների իրավուքներով զբաղվող հասարակական կազմակերպության անդամները  վթարների առաջացման պատճառներից են համարում նաև վարորդի թերի գիտելիքները:

Եթե վարորդների գիտելիքները թերի են, ապա այդ դեպքում ինչպես են նրանց տրվում վարորդական վկայականներ:

 

Նարինե Գրիգորյանը վաղուց էր ցանկանում ինքնուրույն մեքենա վարել։ Մեքենա վարել գիտեր, սակայն վարորդական վկայական չուներ։ Ասում է՝ անցյալ տարի ուժերը հավաքեց և պարապեց քննության հարցաշարը: Փաստորեն, միայն հարցաշարը անգիր անելը բավարար չէ:

Ճանապարհատրանսպորտային պատահարների թվի աճը  վարորդների իրավունքներով զբաղվող  հասարակական կազմակերպությունները պատճառաբանում են նաև  վարորդների թերի գիտելիքների հետ:  Այստեղ  հարց է առաջանում. այդ դեպքում ինչպե՞ս են  նրանց տրվում վարորդական վկայականները:  2016 թվականին միայն Երևանում մոտ 5000  վարորդ ստացել է վարորդական վկայական, իսկ ահա Կոտայքում՝ 6000- ից ավելի (6356 վկայական): Մարզերում  վարորդական վկայականներ ստացածների թիվը գերազանցում է  մայրաքաղաքաղի ցուցանիշը:  «Վարորդի ընկեր» ՀԿ նախագահ  Սերգեյ Ղահրամանյան.

«Կան տեսական քննություններ և գործնական: Այնպիսի տպավորություն է, որ մարզերում   կարելի է ասել խելացիներ են: Օրինակ ՝1020 քննություն է տեղի ունեցել  և 973-ը ստացել են վկայական: Բայց Երևանում տեղի է ունեցել  7000 գործնական քննություն, որից  30 տոկոսը չի ստացել: Դա գալիս է վերահսկողություն չլինելուց և կոռուպցիայից»:

Հասարակական կազմակերպության  նախագահի խոսքով,   ճանապարհային ոստիկանները դաշտի կոռումպացված լինելը իրենք էլ  չեն հերքում: Եվրոպական փորձագիտական ինստիտուտի խորհրդի նախագահ Նիկոլայ Բաղդասարյանը  իրավիճակը  կապում է վարորդական իրավունքի համար տրվող  քննությունների  հարցաշարերի հետ:  Ինքը երթևեկության  կանոնները մշակողներից էլ, բայց շատ հաճախ ինքն էլ չի կարողացել շաբլոնները լուծել:  Եթե այն ապագա վարորդի համար մատչելի կազմվաի՝ գումար տալու անհրաժեշտություն չի լինի՝ ասում է:

«Խաբելու վրա,  մարդկանց շփոթության մեջ գցելու շաբլոններ են կազմած: Դա Սովետական  Միության տարիներից կազմած շաբլոններ են, որ մարդը ունենալով համապատասխան գիտելիքներ, չի կարողանում լուծել, որովհետև այնտեղ այնպիսի չնչին բաներ կա, որ դու այդ պահին չեն նկատում և պարզվում է՝ դու այդ շաբլոնը սխալ ես լուծել»:

Պետք է քննությունները դարձնել թափանցիկ: Եթե ունես  վարելու ունակություն  և ճանաչում ես  երթևեկության կանոնները,  կարողանաս քննությունը հանձնել: Կարծում է, որ պետք է փոխել  վարորդական իրավունք ձեռք բերելու ճանապարհը։ Մեկ այլ մեխանիզմ է անհրաժեշտ՝ շեշտում է։ ՀՀ ճանապարհային  ոստիկանության պետի տեղակալ  Արթուր Տոնոյանը հերքում է կոռուպցիոն ռիսկերը համակարգում։ Մարդկային գործոնն այստեղ իսպառ բացակայում է: Ծրագրային ավտոմատացված համակարգն ինքն է ընտրում հարցաշարը, իսկ համակարգը գործում է ինչպես մայրաքաղաքում, այնպես էլ  մարզերում:

Չարաշահումներ կան, սակայն դրանք անպատիժ չեն մնում՝ հավելեց: 2011-20012 թվականներին կատարված բարեփոխումների արդյունքում, ըստ Տոնոյանի, էապես բարձրացել է քաղաքացիներին մատուցվող ծառայությունների որակը: Եվ այս բարեփոխումների հիմնական բաղադրիչներից մեկն էլ  այն է, որ  ՀՀ յուրաքանչյուր քաղաքացի անկախ իր բնակության և փաստացի հաշվառված  վայրից, կարող է մոտենալ քննական  ստորաբաժանում և հանձնել տեսական ու  գործնական քննություն:

«Սա արվել է քաղաքացիների համար»:

Համակարգը միշտ վերահսկվում է՝ պնդեց  ճանապարհային  ոստիկանության պետի տեղակալն ու հավելեց,   ինչպես մայրաքաղաքում, այնպես էլ մարզերում  այն համակարգվում է:

Back to top button