Ներդրումներ ներգրավել, բարելավել բանկային համակարգն ու ոչ միայն: Հայաստանի կառավարությունը շարունակում է պարբերաբար հայտարարել սրա մասին: Մրցակցային միջավայրի բարելավումը տնտեսության զարգացման հիմնասյուներից է դառնում: Նույն կառավարությունը հաճախ է խոսում է այս կամ այն վարկանիշային կազմակերպության գնահատականի մասին: Fitch Ratings միջազգային վարկանիշային գործակալությունը, օրինակ, 2017-ին Հայաստանի համար 3,4 տոկոս տնտեսական աճ է կանխատեսել, մեր երկրի համար սահմանել B+ կայուն վարկանիշ: Ի՞նչ են տալիս ռեյտինգները Հայաստանի տնտեսությանը:
Վստահություն՝ ցանկացած ոլորտում ներդրումներ կատարելու համար. սա է պետք ցանկացած երկրի: Իսկ ներդրումները տնտեսական աճ, իսկ ավելի պարզ, լավ ապրելու հիմնական ցուցիչներից մեկն է: Մեր երկրի տնտեսության շարժերին ոչ միայն Հայաստանում են հետևում, այլ նաև մի քանի միջազգային հեղինակավոր ռեյտինգային կազմակերպություն: Նրանք պարբերաբար վարկանիշներ են սահմանում Հայաստանի համար: Աշխարհում հեղինակավոր կազմակերպություններից մեկն էլ «Fitch Ratings» միջազգայի վարկանիշային գործակալությունն է: Փորձագետները պարբերաբար հավաքվում , քննարկում են մակրոտնտեսական, դրամավարկային քաղաքականությունը, ֆինանսական հատվածի զարգացումները: ԿԲ փոխնախագահ Ներսես Երիցյանն է պարզաբանում ռեյտինգի տրամաբանությունը
«Ռեյտինգ արվում է, որ որպեսզի մյուս ներդրողների համար դառնա ռիսկի գնահատական, թե ինչ ժամկետում և ինչ տոկոսադրույքով ներդրում կատարեն»:
Fitch Ratings միջազգային վարկանիշային գործակալության ներկայացուցիչ Էրիկ Արիսպեն հիշեցնում է Հայաստանի ռեյտինգային պատմությունը, տնտեսության առջև ծառացած մարտահրավերները՝ համաշխարհային ու ոչ միայն: Հայաստանը համեմատելով նույն վարկանիշ ունեցող այլ երկրների հետ՝ նշում է՝ Հայաստանի կարգավիճակը չեզոք է, միտումը՝ կայուն: Ընդգծում է՝ Հայաստանի տնտեսությունում ՌԴ-ն կարևոր ներդրող է, ուստի այդ երկրում տեղ տեղի ունեցող ամեն ինչն է ազդում: Գնաճը կայուն դաշտում է, միտումները՝ դրական: Արիսպեն չի մոռանում հիշեցնել արտաքին պարտքի մասին, կարևորում պարտքի սպասարկումը, նշում, որ միջավայրը բարենպաստ է, այդուհանդերձ, պահպանողական կանխատեսում է անում.
«Կանխատեսում ենք 3,4 տոկոս աճ՝ այս տարվա կտրվածքով, բայց սա շատ ավելի դրական քայլ է համարվում, քան մյուս պաշտոնական գնահատումները: Հաշվել ենք բոլոր ռիկսերը: Մենք հետևում ենք ԿԲ սահմանած սղաճի թիրախին, այս իմաստով ինֆլացիան շատ ավելի ցածր է, քան մյուս համապատասխան վարկանիշ ունեցող երկրներում: 2019-ին վիճակն ավելի կայուն կլինի, այս իմաստով ավելի կոնսերվատիվ դրսևորում ենք ունեցել: Մենք կարծում ենք, որ դեֆիցիտը 2,8 տոկոսից ավելին կլինի»:
B+ կայուն՝ Fitch Ratings-ի Հայաստանին տված վարկանիշն է: ԳՀՄՆ Գագիկ Մակարյանից պարզում ենք, թե ինչ են տալիս ռեյտինգներն ընդհանրապես Հայաստանի տնտեսությանը: Տարիներ շարունակ տարբեր ռեյտինգներում որոշակի առավելություններ ունեինք այլ երկրների նկատմամբ՝ ասում է Մակարյանը: Նշում է, որ վարկանիշները պետք է համապատասխանեն իրականությանը: Գագիկ Մակարյանը հիշեցնում է՝ նախորդ տարիներին Հայաստանը ռեյտինգներով առաջ եկավ, սակայն տնտեսությունում առաջընթաց չգրանցվեց:
Թվարկած քայլերը այս կառավարության գործունեության մեջ տնտեսագետը նկատում է: Ավելին՝ կառավարության կողմից կոռուպցիայի պայքարը հետաքրքրիր է բնորոշում:
Գագիկ Մակարյանը կարևորում է, օրինակ, ՊԵԿ- ի կողմից վարվող քաղաքականությունը՝ այդ թվում կադրային, մաքսային համակարգում թափանցիկության ինստիտուտի ներդրումը։ Վստահ է՝ սրանք քայլեր են, որոնք կոռուպցիան կնվազեցնեն հիմնավոր ոչ թե կոսմետիկ:
