Երեխաների առողջ ապրելակերպի ներգործող հանգամանքներից է առողջ սնունդն ու առողջ սնուցումը: Պետական բյուջեի ֆինանսավորմամբ և պարենի համաշխարհային ծրագրով միայն մարզերի դպրոցներում տրվում է կայուն սնունդ: ,,Վստահություն,, առողջապահական հասարակական կազմակերպությունը Օքսֆամի պարենային անվտանգության ծրագրի շրջանակում հետազոտել է սննդի կազմակերպման գործընթացը և հայտնաբերել մի շարք խախտումներ:
,,Ես դպրոցի բուֆետից չեմ օգտվում, որովհետև վստահելի չէ, որովհետև կարող է մի քանի օրվա լինի,, — ասում է 8-ամյա Նարեկը: Նա կամովին է ընտրել առողջ ապրելակերպի կենսաձևը, գերադասում է սնվել միայն տանը, այն ինչ առաջարկում է մայրիկը:
Սակայն երեխաների մեծ մասը գերադասում է այն սնունդը, որը մեղմ ասած հեռու է առողջ սնուցում բանաձևից: Դպրոցների բուֆետներում շատ հաճախ գովազդվում և վաճառվում է այդօրինակ սննդամթերքը, ինչպիսիք են չիպսերը, գազավորված քաղցր ըմպելիքները, նրբերշիկը և այլն: Մարզերի դպրոցականներին արդեն 10 տարի պարենի համաշխարհային ծրագրով և պետական ֆինանսավորմամբ տրվում է անհրաժեշտ կալիորականությամբ ու էներգիա պարունակող սնունդ: Սննդի կազմակերպման համար դպրոցները պետք է ունենան համապատասխան սանիտարահիգիենիկ թույլատրելի պայմաններ: ,,Վստահություն,, առողջապահական հասարակական կազմակերպությունը Օքսֆամի պարենային անվտանգության ծրագրի շրջանակում հետազոտել է 80 դպրոցում սննդի կազմակերպման գործընթացը՝ 12-ը Երևանում, 68-ը՝ մարզերում: Պարզվել է, որ մի շարք դպրոցներում միայն չոր սննդի միջոցով է կազմակերպվում սնուցումը:
,,Եթե դպրոցներում ճիշտ չի կազմակերպվում երեխաների սնուցման գործընթացը, ապա դա երեխաների իրավունքների ոտնահարում է, վտանգում է նրանց առողջությունը,,- ասում է ,, Վստահություն,, առողջապահական հասարակական կազմակերպության նախագահ, մանկաբույժ Սուսաննա Հարությունյանը: Դիտարկաման ընթացքում հայտնաբերվել են շատ անթույլատրելի երևույթներ, որոնք հակահիգիենիկ են և հնարավոր ինֆեկցիաների տարածման հիմք կարող են հանդիսանանալ: Դպրոցների 4 տոկոսը չունի ջուր, չեն պահպանվում ուտելուց առաջ երեխաների հիգիենայի կանոնները, սնուցման համար տրվող ժամկետը շատ քիչ է և այլն:
Սովորաբար դպրոցների ճաշարաններում պետք է փակցված լինի թույլատրելի սննդի ցանկը, բայց դիտարկման արդյունքում քիչ թվով դպրոցներում է առկա եղել: Կարևորվում է նաև բուժքրոջ դերը, որը հետևելու է սննդի կազմակերպման գործընթացին, բայց դպրոցների մեծ մասը չունի բուժքույր:
,,Վստահություն,, առողջապահական հասարակական կազմակերպության նախագահ Սուսաննա Հարությունյանը նկատեց, որ Վայոց Ձորի, Սյունիքի և Արարատի մարզերի դպրոցներում պետական ֆինանսավորմամբ առողջ սնուցման օրաբաժինն ավելի լավ է կազմակերպվում, քան պարենի համաշխարհային ծրագրի շրջանակում տրվող դպրոցներում: Դիտարկման արդյունքները բարելավման ակնկալիքներ ունի, քանի որ իրենք վեր են հանել բացերը և առաջարկել լուծումներ:
