Ինչ է ուզում Բաքուն, ինչպես են միջնորդներն արձագանքում սահմանագոտում վերջին սադրանքներին: ՄԽ-ն այսօր Բաքվում է, ռուս համանախագահ Իգոր Պոպովը ցավով է խոսել սահմանային վերջին միջադեպերի մասին ու նշել, որ Երևանում ու Բաքվում նախագահների հետ հանդիպումները հիմք են տվել ասելու, որ կողմերը խաղաղ բանակցությունների շարունակման կողմնակից են:
Ամեն անգամ 1 — 2, կամ ավելի զոհեր տալով, խաղաղ պամաններում, փորձում է ջլատել ուժերն ու թուլացնել հայկական կողմին: 2016 թվականի ապրիլից հետո հասկանալով, որ ռազմական գործողությունների միջոցով չի կարողանում առաջընթաց գրանցել, անցել է այլ տակտիկայի:
«Ռազմինֆո» մասնագիտացած կայքի վերլուծաբաններ Գարիկ Հարությունյանն ու Տարոն Հովհաննիսյանը մինչդեռ հակառակորդի ակտիվացումը սահմանագոտում մի շարք հանգամանքներով են պայմանավորում, մասնավորապես՝ ներքին խնդիրներից հանրությանը շեղելու միջոց են համարում:
Այս պահին ուժերի բալանսը սահմանագոտու ողջ երկայնքով, վերլուծաբանի կարծիքով, պահպանվում է: Իսկ լարվածությունից խուսափելը միայն հայկական կողմով պայմանավորված չէ: Հայկական կողմը չպետք է խուճապի չմատնի հակառակորդին ու չպետք է խուճապի մատնվի: Իսկ միջազգային հանրությունից լարվածության թուլացում ակնկալելը ռոմանտիկ երազանքի է վերածվել՝ կարծում նա: Ռազմական գործողությունների համար նպաստավոր ֆոնն այսօրվա դրությամբ թեև բացակայում է, սակայն միշտ պետք է հիշել, որ Բաքուն անկանխատեսել է՝ ասաց Գարիկ Հարությունյանը
ԵԱՀԿ ՄԽ-ն այսօր Բաքվում է, և միջնորդների այցը մեկնաբանելով՝ Իլհամ Ալիևի հասարակական-քաղաքական հարցերով օգնական Ալի Հասանովը հայտարարել է, թե իբր Ադրբեջանը երբեք չի հրաժարվի տարածքային ամբողջականության սկզբունքից: ՄԽ-ի ռուս համանախագահ Իգոր Պոպովը մինչդեռ պատկերը բոլորովին այլ կերպ է նկարագրում:
ԵԱՀԿ Մինսկի խումբը հուսով է, որ հակամարտության կողմերը կշարունակեն քաղաքական երկխոսությունը: «Ե՛վ Բաքվում, և՛ Երևանում քննարկումների արդյունքները հիմք են տալիս եզրակացնելու, որ երկու երկրների նախագահները խաղաղ բանակցությունները շարունակման կողմնակից են»,- ասել է ռուս դիվանագետը:
Ի դեպ՝ Իգոր Պոպովը նշել է նաև, որ ԵԱՀԿ Մինսկի խմբի համանախագահները խորն ափսոսանք են զգում առաջնագծում վերջին դեպքերի առնչությամբ գրում է ԱՊԱ-ն:
Դիվանագետը նշել է, որ քննարկել է վերջին օրերին առաջնագծում լարվածությունն Ադրբեջանի նախագահի և պաշտպանության նախարարի հետ:
«Մենք շատ ենք ցավում տարածաշրջան համանախագահների այցի նախօրեին հրադադարի ռեժիմի լուրջ խախտման դեպքերի առնչությամբ: Պետք է անենք հնարավոր ամեն բան, որպեսզի նման դեպքերն այլևս չկրկնվեն: Մենք կանենք մեզնից կախված ամեն բան՝ լարվածությունը նվազեցնելու համար»,- Բաքվում հայտարարել է դիվանագետը:
Ընդգծելով, որ «համանախագահների վերջին հայտարարությունը հասցեագրված էր՝ ռուս համանախագահը պարզաբանել է, որ հիմնական ուղերձն ուղղված էր շփման գծի երկայնքով լարվածության նվազմանը:
