«Աստծո ուղերձը ձեր ժողովրդին հղվել է դեռ այն ժամանակ, երբ առաքյալներ Բարդուղիմեոսն ու Թադեոսը եկան Հայաստան, և դուք ինքներդ դարձաք ընտրյալ առաքյալներ», ասաց իր աչքերով տասնյակներով հարազատ մարդկանց մահը տեսած ու 30․000 երեխայի կյանք փրկած Մարգարիտը ու նաև իր երախտագիտությունը հայտնեց Հայ ժողովրդին:
«Ինձ համար շատ կարևոր էր, որ հայկական սփյուռքը, որ կարող էր այդ գումարն օգտագործել Հայաստանի անթիվ խնդիրների համար, նվիրաբերեց այս նպատակին, և ես կարողացա հույս ներշնչել բազում երեխաների»:
Չնայած օրակարգից ուշանում էին, բայց Թոմ Քաթինան էլ անկեղծացավ, մեծ սիրով կգար Գյումրի աշխատելու, եթե հայ բժիշկները որոշ ժամանակ իրեն փոխարինեին Նուբայի լեռներում: Կաթոլիկ միսիոները «Գթության մայր» հիվանդանոցում տարեկան 1000 վիրահատություն է կատարում և օրական 400 հիվանդի սպասարկում, այս պահին էլ նրան հայ բժիշկնեն են փոխարինում:
Հայկական շարականներ լսելուց հետո Միսիոներներն էլ իրենցը երգեցին ու շտապեցին երեխաների խնամքի «Թռչունյան տուն»:
Հայկական ավանդական աղ ու հացի սովորույթի մասին իմացան դրսում, ներսում էլ Գյումրիում Եղեռնից հետո հիմնված որբանոցների մասին իմացան ու ծանոթացան ազգային ոգուն՝ երեխաների կատարմամբ:
