«Լոնդոնում ՀՀ դեսպանությունը ճշտում է Մանչեսթերի պայթյունի հետևանքով տուժած ՀՀ քաղաքացիների առկայությունը»: Այս մասին հայտնում է ՀՀ ԱԳՆ խոսնակ Տիգրան Բալայանը:
Հիշեցնենք, որ Մանչեսթր քաղաքում մահապարտ ահաբեկիչը ռումբ է պայթեցրել: Պայթյունի հետևանքով զոհերի թիվը հասել է 22-ի: 59-ը մարդ տարբեր վնասվածքներ է ստացել։ Հայտնի է, որ զոհերի թվում կան երեխաներ:
Մեծ Բրիտանիայի վարչապետ Թերեզա Մեյը տեղի ունեցածը որակել է որպես «սարսափելի ահաբեկչական գործողություն»:
Տարբեր աղբյուրների հաղորդմամբ, պատասխանատվությունը ստանձնել է «Իսլամական պետություն» ահաբեկչական խմբավորումը:
