Վրաստանում անդրադառնալով Լավրովի՝ աբխազական երկաթգծի վերագործարկման մասին հայտարարությանը՝ ասում են, որ այն չի վերաբացվի։ Այստեղ կարծում են, որ տնտեսական առումով այն շահավետ չէ Հայաստանի ու Վրաստանի համար։
Վասաձեն նշում է, որ արդեն հաշվարկված է, թե երկաթգիծը որքան եկամուտ կբերի կողմերին՝ «դա փաստացիորեն մի կաթիլ է ծովում»։ Նա, սակայն իրատեսական է համարում Իրանի ատգործնախարարի օրեր առաջ Թբիլիսիում արված հայտարարությունն այն մասին, որ Իրանը ցանկանում է Պարսից ծոցի և Սև ծովի միջև տրանսպորտային միջանցք ստեղծել, որին անպայման պետք է մասնակցություն ունենա Վրաստանը, Իրանը, Ադրբեջանն ու Հայաստանը:
«Սա բավական իրատեսական է և ավելի գրավիչ»։
Էնեգետիկ հարցերով փորձագետ Լանա Ջերվալիձեն նշում է՝ այս պահին կարևոր է, որ Ռուսատանը խնդիր չտեսնի հենց այս հարցում՝ Պարսից ծոցի և Սև ծովի միջև տրանսպորտային հաղորդակցության ստեղծման։
«Ինչ վերաբերում է աբխազական երկաթգծի գործարկմանը, դա ցանկալի է, սակայն պետք է լինի գոնե հակամարտության որոշ չափով կարգավորման դիմաց»,- ասում է Ջերվալիձեն՝ նկատի ունենալով ռուս-վացական հարաբերությունները, որ էլ ավելի է սրվել 2008թ․-ի հնգօրյա պատերազմի հետևանքով, ինչի արդյունքում Ռուսատանը ճանաչել է Աբխազիայի անկախությունը։
