Միջազգային

Ձեր տեղն իմացե՛ք. Էրդողանը՝ ի պատասխան խախտումների մասին ԵԱՀԿ զեկույցի

Թուրքիայի նախագահ Ռեջեփ Թայիփ Էրդողանը քննադատության է ենթարկել միջազգային դիտորդներին, ովքեր հայտարարել էին, որ հանրաքվեի անցկացման արշավը չի համապատասխանել միջազգային չափորոշիչներին։

«Ձեր տեղն իմացե՛ք»,-ասել է նա՝ ի պատասխան խախտումների մասին հաղորդագրության։

Ելույթ ունենալով կողմնակիցների առջև Անկարայի նախագահական պալատում՝ Էրդողանը հայտարարել է, որ «չի տեսնում, չի լսում և չի ճանաչում քաղաքականապես մոտիվացված զեկույցները»։

Հիշեցնենք, որ ԵԱՀԿ դիտորդների հայտարարության համաձայն՝ Թուրքիայում սահմանադրական հանրաքվեի անցկացումը չի համապատասխանել Եվրոպայի խորհրդի չափորոշիչներին: Այս մասին ասվում է ԵԱՀԿ Ժողովրդավարական կառույցների և մարդու իրավունքների դիտորդական առաքելությունների հայտարարությունում:
Ցուցադրել ավելի
Back to top button