Հասարակություն

Արթուր Սարգսյանի վերաբերյալ ՄԻՊ աշխատակազմում առկա բոլոր տեղեկությունները փոխանցվել են քրեական վարույթն իրականացնող մարմնին

Մարտի 20-ին ՀՀ մարդու իրավունքների պաշտպանի կողմից Արթուր Ռոբերտի Սարգսյանի վերաբերյալ Պաշտպանի աշխատակազմում առկա բոլոր տեղեկությունները փոխանցվել են քրեական վարույթն իրականացնող մարմնին:

Այս մասին հայտնում են Մարդու իրավունքների պաշտպանի աշխատակազմից։

«Քրեական վարույթն իրականացնող մարմնին են փոխանցվել նաև ՀՀ արդարադատության նախարարության քրեակատարողական հիմնարկներ այցերի ընթացքում նրա առողջական վիճակի վերաբերյալ ձեռք բերված փաստաթղթերը, օրենսդրական պահանջների պահպանմամբ, փոխանցվել են քրեական վարույթն իրականացնող մարմնին»,-ասվում է հաղորդագրությունում:

Հիշեցնենք, որ Արթուր Սարգսյանը մահացել էր մարտի 16-ին՝ հետվիրահատական բարդություններից՝ երկու անգամ կալանավորվելուց և ազատ արձակվելուց հետո։ Նա հայտնի էր դարձել «Հաց բերող» անունով՝ 2016թ. հուլիսին ոստիկանության ՊՊԾ գունդը գրաված «Սասնա ծռեր» խմբի անդամներին սնունդ հասցնելու համար։

Ցուցադրել ավելի
Back to top button