Հասարակություն

Մի շարք ավտոճանապարհներին բուք և մերկասառույց է

ՀՀ տրանսպորտի, կապի և տեղեկատվական տեխնոլոգիաների նախարարությունը
տեղեկացնում է, որ հունվարի 28-ին` ժամը 14:30-ի դրությամբ, միջպետական և
հանրապետական նշանակության բոլոր ավտոճանապարհներին ձյուն է տեղում:

Բքի, անբավարար տեսանելիության և առատ ձյան պատճառով փակ են Վայք —
Ջերմուկ, Բերդ — Ճամբարակ, Բագարան-Երվանդաշատ և Ջրաբեր — Ֆանտան
ճանապարհները, Վարդենյաց և Սարավանի լեռնանցքները:

Գեղադիրի, Էջմիածնի, Աշտարակի տարածաշրջանների ավտոճանապարհներին, Արզնի —
Նոր Գեղի, Գորիս — Սիսիան ճանապարհահատվածներում մերկասառույց է:

Բքի պատճառով դժվարանցանելի են Ջաջուռի լեռնանցքը, Գյումրի — Կապս —
Ամասիա, Արթիկ — Ալագյազ, Արթիկ — Մարալիկ, Եղվարդ — Արագյուղ, Նոր Գեղի —
Քարաշաղ ճանապարհահատվածները և Աշոցքի տարածաշրջանի ավտոճանապարհները:

Արթիկի, Մարալիկի, Ապարանի, Գավառի,  Վարդենիսի,  Վայքի,  Ջերմուկի,
Եղեգնաձորի, Սիսիանի, Մեղրու տարածաշրջանների ավտոճանապարհներին, Սպիտակի
ոլորաններին և Չարենցավանի հատվածում բուք է:

Ավտոճանապարհներին շուրջօրյա հսկողություն են իրականացնում սպասարկող
ճանապարհաշինական ընկերությունները: Կատարվում են ճանապարհների մաքրման և
աղով,  ավազով մշակման աշխատանքներ:

Միջպետական և հանրապետական նշանակության մյուս ավտոճանապարհները բաց են:

Վթարներից, պատահարներից և խցանումներից խուսափելու համար վարորդներին
խորհուրդ է տրվում երթևեկել  բացառապես ձմեռային անվադողերով:

Ցուցադրել ավելի
Back to top button