Հասարակություն

Ձերբակալվել է ՊԵԿ անվտանգության մաքսային տեսուչ

Հունվարի 14-ին` ժամը 00.05-ին, ոստիկանություն ահազանգ է ստացվել, որ մարմնական վնասվածքներով հիվանդանոց է տեղափոխվել քաղաքացի Հ.Մ-ն, որը  հայտնել է, որ  ծեծի է ենթարկվել:

Դեպքի առթիվ Կենտրոն և Նորք-Մարաշ վարչական շրջանի դատախազությունում հարուցվել է քրեական գործ` ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով: Քրեական գործի նախաքննությունը հանձնարարվել է ՀՀ ՔԿ-ին: Այս մասին «Փաստինֆո»-ն տեղեկացավ ՀՀ գլխավոր դատախազությունից:

Քննությամբ պարզվել է, որ 13.01.2017-ին` ժամը 23-ի սահմաններում, Մոսկովյան փողոցի մոտ գտնվող Լոռանժ սրճարանի մոտ  տեղի ունեցած վիճաբանության ընթացքում մի խումբ անձինք խուլիգանական դրդումներով Հ.Մ-ի առողջությանը պատճառել են մարմնական վնասվածքներ:

Պարզվել է նաև մարմնական վնասվածք պատճառած անձանցից մեկի ինքնությունը` Է.Խ-ն, որը ՀՀ ԿԱ ՊԵԿ  անվտանգության վարչության ավագ մաքսային  տեսուչ է: Վերոնշյալ արարքը կատարելու կասկածանքով Է.Խ-ն ձերբակալվել է:
Ցուցադրել ավելի
Back to top button