Միջազգային

Ընտրիչների կոլեգիան Դոնալդ Թրամփին ընտրել է ԱՄՆ նախագահ

ԱՄՆ ընտրիչների կոլեգիան պաշտոնապես ընտրել է հանրապետական Դոնալդ Թրամփին ԱՄՆ 45-րդ նախագահ։ Այս մասին հայտնում է BBC-ն։

Կոլեգիայի 304 անդամներ քվեարկել են Թրամփի օգտին։ 270 ձայնը եղել է անհրաժեշտ նվազագույնը ընտրություններում հաղթանակի համար։ Թրամփի հաղթանակն ապահովել է Տեխաս նահանգի ընտրիչների քվեարկությունը։ Նահանգում ընդհանուր առամբ կա 38 ընտրիչ, որից 36-ն իր ձայնը տվել է Թրամփին։

Ընդհանուր առմամբ ընտրիչների կոլեգիայում 538 անդամ կա։ Դեմոկրատ Հիլարի Քլինթոնի օգտին ստացվել է 169 ձայն։

Ընտրիչների քվեարկությունն անցկացվել է Թրամփի ընտրվելու դեմ բողոքի ակցիաների ֆոնին։

Թրամփին հաղթանակի կապակցությամբ առաջինը շնորհավորել է ապագա փոխնախագահ Մայք Փենսը, ով իր թվիթերյան էջում գրել է, որ Թրամփն այժմ պաշտոնապես հանդիսանում է ԱՄՆ ընտրված նախագահ։

Թրամփն իր ընտրվելն անվանել է «ժողովրդավարության հաղթանակ»։

Back to top button