«ԼՂՀ հակամարտության գոտում պետք է ամրապնդվի հրադադարը, խնդիրը ռազմական լուծում չունի»,-այս ուղերձն է հնչելու այսօր Վիեննայում կայանալիք հանդիպումներում՝ հայտարարել է Հայաստանում ԵՄ պատվիրակության ղեկավար, դեսպան Պյոտոր Սվիտալսկին: Նա այս հայտարարությունն արել է Գյումրիում, որտեղ երեկ տրվել է «Եվրոպական օրեր» միջոցառման մեկնարկը: Հանրապետության երկրորդ քաղաքը հյուրըկալել էր ԵՄ դեսպանների 6 հոգուց բաղկացած պատվիրակությանը: Պյոտր Սվիտալսկիի համոզմամբ՝ Գյումրին Հայաստանի ամենաեվրոպական քաղաքն է, իր հարուստ մշակութային կյանքի և ազատ ոգու շնորհիվ: Պատվիրակության ղեկավարը նաև պատասխանել է լրագրողների հակամարտության կարգավորմանը վերաբերող հարցին:
