Սպորտ

Պուտինով շապիկը՝ ֆուտբոլիստի որակազրկման պատճառ

Քաղաքականությունը սպորտում կամ սեփական երկրի նախագի նկատմամբ մեծ սիրո գինը. ռուսական «Լոլոմոտիվ» ակումբի ֆուտբոլիստ Դմիտրի Տարասովին կարող են որակազրկել Ստամբուլում թուրքական «Ֆեներբախչեի» հետ խաղից հետո տեղի ունեցած միջադեպի համար: Ռուս ֆուտբոլիստը դաշտով անցել է շապիկով, որի վրա պատկերված է եղել Վլադիմիր Պուտինը՝ «ամենաքաղաքավարի նախագահը» մակագրությամբ: Տարասովն այդկերպ իր հարգանքն է փորձել արտահայտել իր երկրի նախագահի նկատմամբ՝ որոշելով դա անել մի երկրում, որի հետ Կրեմլի հարաբերությունները վերջին շրջանում ճգնաժամ են ապրում:

ՈւԵՖԱ –ի կանոնադրությամբ ֆուտբոլային դաշտում արգելված է քաղաքական, գաղափարական կամ կրոնական քարոզչությունը, ինչպես նաև սադրանքները որոնք կարող են վիրավորել այս կամ այն անձնաց խմբի մարդկային արժանապատվոթյունը: Ագրելված են նաև քաղաքական ենթատեքստով գրություններ ֆուտբոլիտների հանդերձանքի վրա:

Միջադեպը կոշտ հռետորաբանության նոր ալիք է բարձրացրել թուրքական մամուլում: Թուրքական Yeni Safak թերթը տեղի ունեցածն համարել է «Պուտինի սադրանքը»: Հնչում են նաև ՈՒԵՖԱ-ին հասցեագրված կոչեր՝ վերանայել եվրոպական առաջնությունների անցկացման մեխանիզմը, թույլ չտալու ռուսական և թուրքական ֆուտբոլային թիմերին հանդիպել նույն դաշտում: Սակայն Եվրոպայի գլխավոր ֆուտբոլային կառույցը հայտարարել է, որ չի պատրաստում փոխել Եվրո-2016 թվականի վիճակահանության անցկացման սխզբունքները:

Թուրքերը մեղմ ասած, այնքան էլ հյուրընկալ չեն գտնվել Ստամբուլ ժամաած ռուս մարզիկների նկատմամբ. թուրք երկրպագուները քարեր են նետել «Լոկոմոտիվ» ֆուտբոլային թիմի անդամներին և երկրպագուներին տեղափոխող ավտոբուսի ուղղությամբ: Ինչպես գրում է Lifenews-ը, ռուսական թիմին ու երկրպագուներին դեպի մարզադաշտ ճանապարհին ուղեկցել է մոտ 100 ոստիկան:

Ցուցադրել ավելի
Back to top button