Տիգրան Սարգսյանի թեկնածությունն անվիճելի էր ԵԱՏՄ անդամ պետությունների համար.Շավարշ Քոչարյան
ՀՀ արտաքին գործերի նախարարի տեղակալ Շավարշ Քոչարյանը Եվրասիական տնտեսական հանձնաժողովի կոլեգիայի նախագահի պաշտոնում Տիգրան Սարգսյանի նշանակումը համարում է անվիճելի բոլոր անդամ երկրների կողմից: Այս մասին ՀՀ կառավարությանի նիստից հետո լրագրողների հետ ճեպազրույցում հայտարարել է ԱԳ փոխնախարարը: Ով նաև հստակեցրել է, որ Եվրասիական տնտեսական հանձնաժողովի կոլեգիայի նախագահի տեղը պատկանում է ՀՀ-ին՝ համաձայն ԵՏՄ մասին համաձայնգրի: Փոխնախարարի խոսքով` այդ պաշտոնը 4 տարի ժամկետով պատկանում է Հայաստանին` համաձայն ԵԱՏՄ համաձայնագրի:
Հայաստանի նախկին վարչապետ, ԱՄՆ-ում ՀՀ դեսպան Տիգրան Սարգսյանը 2016 թվականի փետրվարի 1-ից կանցնի Եվրասիական տնտեսական հանձնաժողովի Կոլեգիայի նախագահի պաշտոնին:
«Կարծում եմ` դա այն թեկնածությունն էր, որ անվիճելի էր բոլոր անդամ պետությունների համար: Տիգրան Սարգսյանն իր մակարդակով, փորձով է արժանացել դրան: Ավելին, Տիգրան Սարգսյանի հետ աշխատել են այդ երկրների ղեկավարները, մասնավորապես, Պուտինը վարչապետ եղած ժամանակ, ու տարբեր առիթներով շփվել էին նրա հետ, ու հենց նրանք էին Սարգսյանին բնութագրում որպես փայլուն մասնագետ»:
Էկոնոմիկայի նախարար Կարեն Ճմշարիտյանն էլ, անդրադառնալով անդրադառնալով Տիգրան Սարգսյանի՝ Եվրասիական տնտեսական հանձնաժողովի կոլեգիայի նախագահի պաշտոնում նշանակվելուն, հայտարարել է, որ նախկին վարչապետը ունի բավականին կուտակված փորձ:
«Ընդհանուր առմամբ, գտնում եմ, որ Հայաստանի դիրքորոշումը՝ հնարավորինս ազատականացնել տնտեսական հարաբերությունները, կնատսի դրանց զարգացմանը, հնարավոր է, որ իր ունեցած գիտելիքները, փորձը օգտագործի այդ միության ավելի արդյունավետ աշխատանքին»:
