Հասարակություն

Տեղեկատվության աղբյուրի գաղտնիությունն այսուհետ ապահովվում է նաեւ ՍԴ որոշմամբ

annanazaryan

Սահմանադրական դատարանը բավարարել է «Հրապարակ» և «Ի լուր» լրատվամիջոցների հայցը՝  ԶԼՄ-ների մասին օրենքի 5-րդ հոդվածի 2-րդ՝  տեղեկատվության աղբյուրի բացահայտումը պարտադրող մասի սահմանադրականությունը վիճարկող հայցը։ ՍԴ որոշումն այսօր քննարկման թեմա է դարձել «Մեդիա» կենտրոնում:

 

ՍԴ- վճռով պաշտպանվեց ԶԼՄ- ների տեղեկատվության աղբյուրը չբացահայտելու իրավունքը:  Ըստ իրապաշտպան  Արտակ Զեյնալյանի՝ ՍԴ-ում  իր  ներկայացրած փաստարկները հիմնված էին միջազգային իրավունքի  սկզբունքի ու ՄԻԵԴ նախադեպերի ու, իր խոսքով, մարդկային պարզ տրամաբանության վրա:

Որոշումը ցույց տվեց, որ անկախությունից ի վեր իրավապահ մարմինները  անօրինական են գործել,  կարծիք հայտնեց Խոսքի ազատության պաշտպանության կոմիտեի նախագահ Աշոտ Մելիքյանը՝ նկատելով. «Հաճախ ԶԼՄ- ները ինքնուրույն են պայքարում : ՍԴ որոշումը շատ կարևոր է։ Նման կոնֆլիկներ շատ էին լինում»։

Որոշումը, ըստ «Հրապարակ» օրաթերթի գլխավոր խմբագիր Արմինե Օհանյանի մեծ աջակցություն է լրագրողներին, քանի որ նման գործերը մեծ ջանքեր, նյարդեր ու ռեսուրսներ էին  խլում ԶԼՄ- ներից:  «Այն երեք ատյանները, որ մեր դեմ վճիռ են կայացրել, պետք է ամաչեն մեր երեսին նայելուց»,- ասում է խմբագիրը։

Մյուս կողմից սա մամուլի հաղթանակն է, քանի որ շատ հաճախ անարդարացիորեն պարտվում էինք  ու այս որոշումից  հետո պետք է հետևություններ անեն իրավապահները, ասաց Արմիներ Օհանյանը:

Արտակ Զեյնալյանը բարձրացրեց արդարացի փոխհատուցման հարցը։ Վնասի փոխհատուցման դեպքում ԱԺ- ն  ուշադիր կլինի օրենք գրելուց առաջ: Խոսքի ազատության պաշտպանության կոմիտեի նախագահն էլ հիշեցրեց, որ աղբյուրը պետք է բացահայտել, երբ  խոսք է գնում  ծանր հանցագործությունների բացահայտման մասին , և  երբ սպառված են մյուս  բոլոր միջոցները:

Back to top button