ԿարևորՀասարակություն

ԱՄՆ դեսպանատան հերթական աջակցությունը Քննչական կոմիտեին

lusinevasilyan

Քննչական պետական կոմիտեում այսօր հյուևընկալել են Հայաստանում ԱՄՆ դեսպան Ռիչարդ Միլսին: Դեսպանը շրջել է կոմիտեի  նորակառույց շենքում, ծանոթացել աշխատանքային նոր պայմաններին, նաև կոմիտեին  է նվիրաբերել 132 հազար դոլար արժողությամբ համակարգչային սարքավորումներ: Դրանք կօգնեն Հայաստանում քրեական գործերի վարման նոր՝ թվային  համակարգի ներդրմանը: Պատասխանատուները վստահեցնում են, որ քրեական գործերի թվայնացումը ոչ միայն ֆինանսական խնայողություններ կապահովի, այլ նաև կնպաստի   քննչական գործողությունների արդյունավետության և թափանցիկության մեծացմանը:

 

Հայաստանում ԱՄՆ արտակարգ և լիազոր դեսպան Ռիչարդ Միլսը հույս ունի, որ ամերիկյան ֆինանսական աջակցության հերթական փուլը կնպաստին իրավապահ համակարգի նկատմամբ հանրային վստահության մեծացմանը:

Իսկ ֆինանսական աջակցությունն ուղղվում է կոնկրետ խնդրի իրագործմանը՝   Հայաստանում քրեական գործերի վարման թվայնացված  համակարգի ներդրմանը:  «Գործերի թվայնացումը իրավապահներին կօգնի ապահովել տվյալների ճշգրտությունը, քրեկան գործերը հասնալի կդարձնի դատախազներին ու փաստաբաններին: Այսինքն՝ քրեական  գործերի թվայնացմամբ կձևավորվի քննությունների ավելի թափանցիկ համակարգ, կմեծանա  հաշվետվողականությունը»:

Դեսպանը հիշեց նաև, որ վերջերս խոսել է Հայաստանում կոռուպցիոն իրավիճակի և դրա  վտանգների մասին: Ասաց, որ այս աջակցությամբ կոռուպցիան հաղթահարելու գործիք է առաջարկվում: Ընդհանուր առմամբ՝ ԱՄՆ կառավարությունը Հայաստանի իրավապահ մարմիններին և արդարադատության համակարգին աջակցելու նպատակով տարեկան մոտ 1.5 մլն դոլար  է տրամադրում:

2016-ից նախատեսվում է թվայնացման ամբողջական ներդրումը քննչական համակարգում, իսկ առայժմ ծրագիրը որպես փորձարարական ներդրված է 2 ստորաբաժանումներում՝ Արաբկիր և Աջափնյակ- Դավթաշեն:  Քննչական կոմիտեի ղեկավարը դեսպանին տեղեկացրեց, որ  այդ փորձարկման արդյունքում 458 քրեական գործ մոտ 35 հազար էջ ծավալով արդեն  թվայնացվել է: «458 քրեական գործի թվայնացումն ակնհայտորեն դրական է  ազդել նախաքննության որակի վրա: Սա նկատելի  օգնություն է նաև քրեական գործով մեղադրյալների պաշտպանությանը, ինչպես նաև նախաքննության նկատմամբ վերահսկողությանը : Եվ վերջապես սա զգալի ֆինանսական խնայողություն է՝ տարեկան շուրջ 60-70 մլն դրամի չափով»:

Ըստ օրենսդրության պահանջի ՝ նախաքննության ավարտից հետո և մինչև դատաքննությունը  քրեական գործը պետք է պատճենահանվի և տրամադրվի դատավարության մասնակիցներին:  Որպես կանոն՝ քրեական գործերը ծավալուն են՝ առնվազն մի քանի հարյուր էջ ծավալով:  Իսկ եթե գործը մի քանի հատորից է կազմված , ապա խոսքն արդեն հազարավոր էջերի մասին է:  Թվայնացման արդյունքնում` քրեակայն գործի նյութերը  դատավարության մասնակիցներին կտրամադրվեն լազերային սկավառակով: Սա նաև թույլ չի տա քննիչին որևէ փոփոխություն կատարել, քրեական գործում փաստաթուղթ կամ, օրինակ, ամսաթիվ փոխել:

Առաջիկայում նախատեսվում է  ստեղծել Քննչական կոմիտեի կենտրոնական մարմինը տարածքային ստորաբաժանումների հետ կապող ներքին ցանց և ապահովել այս համակարգի կապը տվյալների տարբեր բազաների հետ:  Իսկ գործընթացի տրամաբանական շարունակությունը կլինի էլեկտրոնային նախաքննության մոդելի ներդրումը:

Քննչական կոմիտեի պետի տեղակալ Արթուր Ղամբարյանը նկարագրում է, թե ինչ է այն իրենից ներկայքցնում: «Քրեական գործի բոլոր  արձանագրությունների շաբլոն ձևերը կտեղադրվեն համակարգում: Մուտք գործելով այդ համակարգ՝ քննիչը կլրացնի անհատական տվյալներն ու  հարցաքննության տեքսն անմիջապես կմուտքագրի: Սա թույլ կտա վերհսկող մարմինների թույլ կտա օնլայն դիտարկել նախաքննությունը»:

 

Back to top button