Հասարակություն

Աղավնաձորի դպրոցը տոնում է 100- ամյակը

satikisahakyan

Արմավիրի մարզի Աղավնատուն գյուղի միջնակարգ դպրոցը տոնում է 100-ամյա հոբելյանը: Ուսուցչի օրվա և հոբելյանական տոնի կապակցությամբ  դպրոցի տնօրենը պարգևատրվել է կրթության և գիտության նախարարության ոսկե հուշամեդալով: Դպրոցն իր հարկի տակ էր հավաքել նախկին շրջանավարտներին:  Հոբելյանական տոնին մասնակցել է  նաև տարածքային կառավարաման և արտակարգ իրավիճակների նախարար Արմեն Երիցյանը: Մինչ այդ նա եղել է նաև Վաղարշապատի թիվ 8 դպրոցում, հետևել տանիքի նորոգման աշխատանքներին, որտեղ ներդրվել է  29 միլիո 250 հազար դրամ:

 

399 մլն 404 հազար դրամ Արմավիրի մարզի  առաջնահերթ խնդիրների լուծման համար: Սա նախագահի  մարզերի հրատապ խնդիրների լուծման ծրագրով նախատեսված հատկացումներն են: Արմավիրի մարզի Վաղարշապատի  թիվ 8 դպրոցում,  չնայած անձրևոտ եղանակին, հիմնովին փոխվում է տանիքը: Աշխատանքները  սկսվել են 25 օր առաջ և դեռ  ընթացքի մեջ են:

Դպրոցի տնօրեն Եսթեր Գալստյանը նշեց, որ 60 տարվա ընթացքում  մասնակի նորոգումներ եղել են, սակայն  առաջնային խնդիրը տանիքնի հիմնանորոգումն էր:  Դպրոցում սովորում է 315 աշակերտ:

Մարզում դեռ կան կրթօջախներ,որոնք ունեն հիմնանորոգման խնդիր, որտեղ աշակերտները մի կերպ են պարապմունքներն անցկացնում: Սակայն այլ է պատկերը Աղավնատուն գյուղի միջնակարգ դպրոցում:  Ութ տարի առաջ հիմնանորոգված դպրոցը նույնությամբ պահել է իր տեսքը, մաքուր է, գեղեցիկ կահավորված:

Այս տարի լրացավ դպրոցի հիմնադրման 100 ամյակը: Այն ստեղծվեց հայոց պատմության ամենադժվարին տարիներին, իսկ դասերն սկսեցին անցկացվել գյուղի եկեղեցու բակում։ 1928 թվականին կառուցվել է դպրոցը, 10 տարի անց այն դարձել միջնակարգ։

1953 թվականին դպրոցն ունեցել է առաջին մեդալակիրը, որից հետո նրանց թիվը հասել է 37-ի: 1968 թվականին  կառուցվել է նոր շենքը:  Դպրոցի տնօրեն Արմենակ Ավետիսյանը նույն դպրոցի շրջանավարտներից է և ունի 42 տարվա մանկավարժական ստաժ: Արդեն  30 տարին տնօրինում է հարազատ կրթօջախը:

Շնորհավորելով հոբելյանական տոնի կապակցությամբ՝ տարածքային կառավարման և արտակարգ իրավիճակների նախարար Արմեն Երիցյանը  դպրոցականներին հրավիրեց նախարարություն՝ ճանաչողական շրջայցի:

Դպրոցը կրում է զոհված ազատամարտիկ Ղուկաս Աբգարյանի անունը, ռազմիկ, ով կյանքի նվիրումով պաշտպան կանգնեց իր հայրենիքին:  Կրթության և գիտության նախարարության  պատվոգրերին ու շնորհակալագրերին արժանացան մի շարք վաստակաշատ մանկավարժներ, որոնք հանձնեց կրթության և գիտության նախարարության հանրակրթության վարչության պետ  Նարինե Հովհաննիսյանը, իսկ դպրոցի տնօրեն Արմենակ Ավետիսյանին հանձնվեց ԿԳՆ ոսկե հուշամեդալ:

Աղավնատան միջնակարգ դպրոցի տնօրեն Արմենակ Ավետիսյանը հանրապետությունում տարիներ առաջ ճանաչվել է  դպրոցի լավագույն տնօրեն։

Մանկավարժական կոլեկտիվին շնորհավորանքի խոսք ասաց և  պատվոգրեր հանձնեց նաև Արմավիրի մարզպետ Աշոտ Ղահրամանյանը:

Back to top button