Մշակույթ

Վահան Արծրունին կներկայանա իր 30- ամյա ստեղծագործական ժառանգությամբ

aidaavetisyan

 

Հոկտեմբերի 11-ից  ՀՀ առաջին տիկին Ռիտա Սարգսյանի բարձր հովանու ներքո անցկացվելու է  երգիչ, երգահան Վահան Արծրունու բեմական գործունեության 30 և  ծննդյան 50-րդ հոբելյաններին նվիրված  համերգաշարը: Համերգաշարը ներառելու է հինգ բազմաբնույթ համերգային ծրագրեր, որոնք ներկայացնում են Վահան Արծրունու  նախընտրած երաժշտական ժանրերն ու ուղղությունները:

Կամերային երաժշտությունից մինչև սիմֆոնիկ ժանր. կոմպոզիտորի խոսքով ՝ոչ մի համերգը չի կրկնելու նախորդող կամ հաջորդող համերգային ծրագրերը: 30 տարիների բեմական գործունեության ամփոփագրում կհնչեն նաև պրեմիերաներ:

Համերգային արշավների միակ հովանավորը, երգահանի խոսքով,  եղել է  ինքն ու  հանդիսատեսի  հոծ բանակը: Այս համերգաշարն էլ կունենար նույն ճակատագիրը, եթե չլիներ առաջին տիկնոջ հետ հանդիպումը, որն էլ դարձավ այս համերգի հովանավորը:

Հոբելյանական համերգաշարի մեկնարկը կտրվի հոկտեմբերի 11-ին  Կոմիտասի անվան կամերային երաժշտության տանը, իսկ  ծրագրում  հանրահայտ մենակատարներ են՝ Հասմիկ Բաղդասարյանը, Նելլի Մանուկյանը, Էմմանուել Հովհաննիսյանն ու Մերուժան Տեր- Մինասյանը:

Back to top button