Տնտեսական

Բա՞րձր, թե՞ ցածր գնաճ. ԱԺ- ում փորձում են պարզել՝ սրանցից որը տնտեսությունը կզարգացնի

lusinevasilyan

Խորհրդարանն այսօր ավարտել է ԿԲ 2014թ. դրամավարկային քաղաքականության ծրագրի կատարման  հաշվետվության քննարկումն ու անցել գլխավոր դրամատան այս տարվա գործունեության ծրագրի քննարկմանը: Երկու փաստաթղթերի առանցքում էլ նույն հարցն է՝ գնաճի միջավայրն ու գնաճային կանխատեսումները:

Տարածաշրջանի երկրների համեմատությամբ՝ մեր գնաճը կառավարելի է և ցածր՝  խորհրդարանում հայտարարել է ԿԲ փոխնախագահ Ներսես Երիցյանը: Նրա խոսքով՝ 2014 թ. 12-ամսյա գնաճը գերազանցել է սպասելիքները` դեկտեմբերի վերջին կազմելով 4.6%, բայց չի գերազանցել տատանման թույլատրելի՝ 4 +1.5 միջակայքը:

Ինչո՞ւ Հայաստանի կենտրոնական բանկը ՌԴ-ին չի սովորեցնում, թե ինչպես իջեցնել գնաճը, օրինակ 16%-ը դարձնել   3.5% . Ներսղես Երիցյանին հարցրել է Հրանտ Բագրատյանը: Նա համոզված է, որ ԿԲ-ն   ձեւականորեն փորձում է ինֆլյացիայի նպատակային ցուցանիշներ արձանագրել և գնաճը կարգավորել  հիմնականում դրամական զանգվածի հաշվին:

«Մեզ ֆռացնել պետք չի: Ո°րն է ավելի լավ՝ փոքր-ինչ ավելի բարձր գնաճ ունենալ ու ավելի մեծ տնտեսական զարգացում ապահովել, թե՞ ցածր գնաճ  և ոչ մի տնտեսական աճ: Մենք չենք զարգանում»,- ասել է նախկին վարչապետը։

Ի պատասխան այս քննադատության՝ Ներսես Երիցյանը նախ տարակուսել է, թե ԿԲ-ն փաստորեն քննադատության  է արժանանում ցածր գնաճ ապահովելու համար, ապա հավելել՝ այո, գլխավոր դրամատանը  համոզված են, որ միայն ցածր գնաճ ապահովելով է հնարավոր  զարգացնել տնտեսությունը:

 

Back to top button