Միջազգային

Սիրիական խնդիրը մթագնում է ուկրաինականը. «Նորմանդական քառյակը»՝ Փարիզում

Փարիզում այսօր քննարկվում է ուկրաինական թնջուկը:Ֆրանսիայի մայրաքաղաք են ժամանել Նորմանդական քառյակի երկների` Գերմանիայի, Ֆրանսիայի, Ռուսաստանի եւ Ուկրաինայի ղեկավարները:

Սիրիայում ռազմական գործողություններ սկսելուց հետո սա Վլադիմիր Պուտինի առաջին հանդիպումն է արեւմտյան առաջնորդների հետ։

Մինչեւ քառակողմ բանակցությունների մեկնարկը՝  Վլադիմիր Պուտինը կհանդիպի ֆրանսիացի պաշտոնակցի և Գերմանիայի կանցլերի հետ: Կքննարկվի Դոնբասում ընտրությունների անցկացման, շփման գծից զինուժը ետ քաշելու, ԵԱՀԿ դիտորդների մուտքը ապահովելու հարցերը:

Բնականաբար՝ փարիզյան հանդիպումների ժամանակ չի շրջանցվի նաև սիրիական հակամարտությունը, որում, հիշեցնենք, նոր՝ գլոբալ զարգացումներ են գրանցվում Ռուսաստանի կողմից  սիրիական պատերազմին անմիջական և անթաքույց մասնակցություն ունենալու որոշումից  հետո:

Back to top button