Հասարակություն

Զեղչերի տասնօրյակ՝ Հայ-ամերիկյան առողջության պահպանման կենտրոնում

aidaavetisyan
Հոկտեմբերն ամբողջ աշխարհում նշվում է կրծքագեղձի քաղցկեղի դեմ պայքարի միամսյակ: Ամեն տարի Հայ-ամերիկյան առողջության պահպանման կենտրոնը պայքարի շրջանակներում առաջարկում է  մատչելի ծառայություններ: Այս անգամ նույնպես  հոկտեմբերի 10-ից 20-ը հայտարարում է զեղչերի տասնօրյակ՝ հնարավորություն տալով բոլորին վաղ շրջանում հայտնաբերել  քաղցկեղը: Միայն վաղ հայտնաբերման դեպքում հնարավոր կլինի զերծ մնալ հետագա բարդություններից ևս մեկ անգամ հորդորում են մասնագետները:

 

Հայաստանում  յուրաքանչյուր 16-րդ կնոջ մոտ հայտնաբերվում է  կրծքագեղձի քաղցկեղ: Օրական 200 այցելու ունեցող կենտրոնում  գրեթե շաբաթական կրծքագեղձի քաղցկեղի  մոտ 20- նոր դեպք է հայտնաբերվում: Հայ-ամերիկյան առողջության պահպանման կենտրոնի տնօրեն Խաչանուշ Հակոբյանը նկատում է, որ տարեց տարի կանանց մոտ սեփական առողջության նկատմամբ հոգածությունը մեծանում է, ինչն էլ հնարավորություն է տալիս  վաղ շրջանում հայտնաբերել չարիքն ու կանխել դրա զարգացումը:

«Մոտավորապես 8200 կանայք եկել էին հետազոտվելու  առանց որևէ ախտանշաններ նկատելու, սակայն նրանց մոտ  քաղցկեղը հայտնաբերվել է զարգացման վաղ շրջանում: Նրանք ապրում են և կապրեն շատ երկար»:

Եթե 10 տարի առաջ կրծքագեղձի քաղցկեղը կարող էր  մահավճիռ  դառնալ, ապա այսօր, գիտության զարգացման պայմաններում արդեն բժիշկների նպատակն է բարելավել ողջ կյանքի որակը: Կրծքագեղձի քաղցկեղ  հանդիպում է  ոչ միայն միջին հասակի կանաց մոտ, այլև երիտասարդ տարիքում:  Սակայն գինեկոլոգ Արտեմ Ստեփանյանը նշում է, որ առողջ ապրելակերպ վարող կանանց մոտ  նվազում է  կրծքագեղձի քաղցկեղ ունենալու հավանականությունը:

«Հետևեն իրենց քաշին, աշխատեն ուտել ոչ ռաֆինացված սնունդ, շաքար քիչ օգտագործեն, քանի որ կարող է առաջանալ շաքարային դիաբետ, առողջ ապրելակերը այդ առումով կարելի է իջեցնել  կրծքագեղձի ռիսկայնությունը»:

Կրծքագեղձի նորագոյացությունները  չարորակի վերածվելը կարելի է կանխել, իսկ դրա համար նույնիսկ փոքր չափերի գոյացությունը անհրաժեշտ է հայտնաբերել  վաղ շրջանում: Այդ նպատակով էլ   Կրծքագեղձի քաղցկեղի դեմ պայքարի շրջանակներում Հայ-ամերիկյան առողձջության պահպանման  կենտրոնն ինչպես նախորդ տարիներին, այս տարի ևս  հանրությանը հնարավորություն է տալիս  հոկտեմբերի 10-ից 20-ը ընկած ժամանակահատվածում օգտվել իրենց  զեղչային համակարգից:

«30 տոկոս ենք զեղչ անելու, այսինքն մամոգրաֆիկ հետազոտությունը դառնալու է 10 հազար դրամ»:

Կենտրոնի առաքելությունը սակայան չի սահմանափակվում շենքային պայմաններում: Ամսական 4 անգամ մասնագետներից  կազմված խմբերը մեկնում են մարզեր,  որտեղ էլ իրականացնում են սկրինինգային ծրագիր և  արդյունքում մոտ  120 կին  անցնում է կրծքագեղձի հետազոտություն: Հոկտեմբերի 10-ից 14-ն էլ մասնագիտական խումբը  մեկնելու է  Արցախ՝ անվճար հետազոտություններ իրականացնելու նպատակով:

Back to top button