Սպորտ

Երեւանում կանցկացվի միջազգային կիսամարաթոն

aidaavetisyan

Երևանի քաղաքապետարանը Էրեբունի-Երևան 2797» տոնակատարության միջոցառումների շրջանակներում մի շարք կազմակերպությունների աջակցությամբ մայրաքաղաքում առաջին անգամ կազմակերպելու է վազքի միջազգային կիսամարաթոն: Ծրագիրը նպատակ ունի խթանել առողջ ապրելակերպը եւ միջազգային ամենամյա խոշոր վազքի մարաթոնի հիմք դնել՝ այդպիսով նպաստելով նաև մայրաքաղաքում, ինչպես նաև ամբողջ հանրապետությունում մարզական տուրիզմի զարգացմանը:  Միջոցառումը նպատակ ունի նաև Երևանը գրավիչ դարձնել  սփյուռքահայ մարզիկների և սիրողական վազորդների համար՝ ամրապնդելով կապը հայրենիքի հետ:  Կիսամարթոնը կմեկնարկի հոկտեմբերի 4-ին՝ ժամը 09:00-ին Ստեփան Շահումյանի անվան  հրապարակից և կշարունակվի մինչև  13:30-ը՝ ընդգրկելով 21.1կմ վազքատարածություն:

 

Վազքի միջազգային կիսամարաթոն երևանյան փողոցներում. հոկտեմբերի 4-ին Ստեփան Շահումյանի անվան հրապարակից կմեկնարկի վազքի կիսամարաթոնն ու կանցնի  Երևանի տեսարժան վայրերով: Վազքի մրցույթի նպատակն է ստեղծել  միջազգային խոշոր ամենամյա վազքի մարաթոն Հայաստանում, խթանել առողջ ապրելակերպն ու մարզական տուրիզմը։ Արդեն իսկ հայտ  ներկայացնողներ եղել են, սակայն  կազմակերպիչներն ակնկալում են ավելին:

Կիսամարաթոնի նպատակներից է  նաև Երևանը գրավիչ դարձնել սփյուռքահայ մարզիկների և սիրողական վազորդների համար՝ ամրապնդելով կապը հայրենիքի հետ: «Վերադարձ Հայաստան» հիմնադրամի գործադիր տնօրեն Վարդան Մարաշլյանի  խոսքով՝ արդեն մոտ  20 երկրներից՝ նույնիսկ աֆրիկյան եղել են մասնակցության հայտեր:

Մրցույթն ունի 4 մրցատարածություն. 21կմ փորձառու վազորդների, 10, 2 և 1 կմ- ներ՝  սկսնակների ու մանուկների համար:  Կիսամարթոնը վազքուղի ունի նաև հաշմանդամների համար, որոնք մրցելու են 2 կմ վազքուղում:  Հաշմանդամություն ունեցող անձանց համար   մասնակցությունը կիսամաթոնին կլինի անվճար, իսկ հաղթողները կպարգևատրվեն:

Բարեգործական կազմակերպություններն ու հաշմանդամները կիսամաթոնին կմասնակցեն անվճար, սակայն մյուս մասնակիցների համար գործում է գնային քաղաքականություն, 9000 դրամ՝ 21 կմ մասնակցության համար, 10 կմ-ի համար՝ 6000 դրամ, 2կմ՝ 4000 և մանկական վազքը 3000 դրամ:

Կիսամարաթոնն ունի դրամական պարգևների ֆոնդ: 21 կմ մրցավազքի համար առաջին երեք տեղը զբաղեցրածները պարգևատրվելու են  1 միլիոն, 750 և 500 հազար դրամներով:  Վազքի բոլոր մասնակիցները կստանան վազքի շապիկներ և մեդալներ՝ անկախ ցուցաբերած արդյունքներից: Մեդալներն էլ պատրաստված են  Հարավային Աֆրիկայի «Մեթըլ Բեդջ» գործարանում, որը հայտնի է աշխարհի ամենահեղինակավոր մարաթոնների մեդալների պատրաստմամբ:

Back to top button