Վաղը Կոմիտասի անվան կամերային երաժշտության տանը տեղի կունենա «Քելե լաո, քելե էրթանաք մըր էրգիր» խորագիրով համերգ «Տաղարան» համույթի և գերմանաբնակ թուրք երգչուհի Լեման Շտեհնի մասնակցությամբ: Ինչպես վստահեցնում են համերգի մտահաղացման պատասխանատուները՝ հնչելու են պրեմիերաններ. «Քոչարիների շարք», որը ներառում է մեր տարածաշրջաններում հնչող քոչարիների մեկնաբանությունները, ինչպես նաև Լեման Շտեհնի կատարմամբ կհնչեն հայկական երգեր, այդ թվում Կոմիտասի ստեղծագործություններից։
Հայաստանում գտնվող գերմանաբնակ թուրք երգչուհին այսօր ներկայացրել է Հայաստանի և հայերի մասին իր մտորումները։
Վաղը Կոմիտասի անվան կամերային երաժշտության տանը գերմանաբնակ թուրք երգչուհի Լեման Շտեհնին փորձություն է սպասվում. նա հայ հանդիսատեսի համար կատարելու է երգեր Կոմիտասի երգացանկից: Պարտավորեցնող համերգ, քանի որ Շտեհնը4 ընդունելով իր նախնինների վայրագությունները հաության նկատմամբ, երգի օգնությամբ է պայքարում ցեղասպանության ընդունման և ճանաչման համար, ու նաեւ կոչ անում՝ երգը, բեմը, մշակույթը միացնում են մարդկանց ու պայքարում արդարաւոթյան վերականգնման համար:
Թուրք երգչուհուն նվագակցում է դաշնակարուհի Սիլվա Ֆարմազյանը։ Նա երկար տարիներ ապրում է Գերմանիայում, Լեմա Շտեհնի հետ համագործակցում է շուրջ 2 տարի, ու մասնակցում կազմակերպվող համերգներին, որոնք նվիրված են Ցեղասպանության զոհերի հիշատակմանը:
Երևանյան համերգը նույնպես ցեղասպանության դատապարտման շարքից է։ Այս անգամ պայքարին միացել է հնագույն երաժշտության «Տաղարան» համույթը: «Ծրագրում են հայկական ժողովրդական երգեր, նվագներ են, կլինեն պրեմիերաներ»,- ասում է «Տաղարանի» գեղարվեստական ղեկավար Սեդրակ Երկանյանը։
