Վճռական, արագ և խենթ որոշում, Մուսա լեռան հերոսամարտի պատգամը

Լիբանանում Մուսա լեռան 100-ամյակին նվիրված միջոցառումներին մասնակցելու  հրավեր ազգագրական երգիչ Հայկ Մխոյանը ստացել է  միջոցառումների կազմակերպման կենտրոնական մարմնից:

Ծրագրի շրջանակներում Հայկն  իր մենահամերգային արշավն սկսել է գուսան Հայկազունի «Մուսա լեռ» երգով։ Այս երգով են  անճարցիները Հայկին ճանաչել դեռ 5 տարի առաջ, երբ երգը նոր էր ծնվել:

Մուսա լեռան «հիմնը» կատարելու պատիվը հեղինակը վստահել է միայն Հայկ Մխոյանին: «Իմ խիղճը հանգիստ է, որ  այս երգը երգելու պատիվը տրվեց  Հայկին»,- ասում է Մուսա լեռան երիտասարդների միության պատասխանատու Գաբրիել Փանոսյանը։

Լիբանանի և Սիրիայի սահմանին արագ զարգացող  գյուղաքաղաքում ելույթի ընթացքում Մեծի տանն Կիլիկո Արամ Առաջին կաթիկոսն  անդրադարձել է  պահանջատիրության հարցին ու  Մուսա լեռան հերոսամարտի այժմեականությանը՝ նույնիսկ դրանից 100 տարի անց: Մուսա լեռան 100-ամյակի կենտրոնական մարմնի նախագահ Եսայի Հավատյանն էլ շեշտում է, որ հայ ժողովուրդը ճակատարգրական պահերին պետք է  շտապի իր  որոշումները  կայացնելիս: «Մեր ճակատագրական ժամին, երբ նայում ենք մեր պատմությունը, դանդաղած ենք որոշելու, թե ինչպես պետք է շարժինք  ու ինչ որոշում կայացնինք: Մուսա լեռան հերոսամարտը կուդա այն օրինակը, որ ճակատագրական պահին  պետք է վճռական, արագ  և խենթ որոշում»:

Ինչպես Մուսա լեռան հերոսամարտում միասնական ուժի դեպքում հասանք պատմական հաղթանակի, այնպես էլ  հայոց ցեղասպանության 100- րդ տարելիցի պատգամը հայ ժողովուրդը պետք է  տեսնել միասնականության մեջ, ասում է Մուսա լեռան 100-ամյակի կենտրոնական մարմնի նախագահը: