ՀասարակությունՑեղասպանություն 100

Ներկայացվել է Հայոց ցեղասպանության 100-ամյակին նվիրված չորս աշխատություն

alisagevorgyan
Հայոց ցեղասպանության 100-ամյակին նվիրված միջոցառումները շարունակվում են, դրանց շրջանակում ցեղասպանության թանգարան-ինստիտուտում այսօր հանրության դատին է ներկայացվել չորս աշխատություն, որոնցից երկուսը` անգլերենով: Շնորհանդեսից հետո Հայոց ցեղասպանության թանգարան-ինստիտուտի տնօրեն Հայկ Դեմոյան այսօր մեդալներ և պատվոգրեր  է հանձնել մի շարք անհատների և կոլեկտիվների ներկայացուցիչների, որոնք իրենց աջակցությունն են ցուցաբերել թանգարանին մասնավորապես 100-ամյակի միջոցառումների շրջանակում:

 

Դոկտոր Արման Կիրոկոսյան՝ «Հայոց ցեղասպանությունը ժամանակակից ամերիկյան հանրագիտարաններում»: Հեղինակի ներկայացմամբ գիրքը ստեղծվել է ամերիկյան հանրագիտարաններում հայոց ցեղասպանության թեմային  նվիրված մեկնաբանությունների ամփոփման հիման վրա:

Հայոց ցեղասպանության թանգարան-ինստիտուտի տնօրեն Հայկ Դեմոյանն նշեց՝  տարեվերջին սեղանին կդրվեն երկու կարևորագույն հատորներ՝ «Հայոց ցեղասպանության հանրագիտարան» անվամբ: Իսկ այսօր հանրության դատին ներկայացված մյուս աշխատությունը կոչվում է «Հայոց ցեղասպանությունը գրականության մեջ. երկրորդ սերնդի արձագանքը», հեղինակ՝ Ռուբինա  Փիրումյան: Երրորդ գրքի հեղինակը Ռոբերտ Թաթոսյանն է, աշխատությունը կոչվում է ՝ «Արևմտահայության թվաքանակի հարցը 1878-1914 թվականներին»:

Հանրության դատին ներկայացված վերջին աշխատանքը Երևանում և եվրոպական մի շարք մայրաքաղաքներում ներկայացված «Հայոց ցեղասպանության սկանդինավյան արձագանքը» ժամանակավոր ցուցադրության կատալոգն է , որը հրատարակվել է ՀՀ նախագահի դրամաշնորհի շրջանակներում: Գրքերի շնորհանդեսից հետո Հայկ Դեմոյան այսօր մեդալներ և պատվոգրեր   հանձնեց մի շարք անհատների և կոլեկտիվների ներկայացուցիչների, որոնք իրենց աջակցությունն են ցուցաբերել Հայոց ցեղասպանության թանգարան-ինստիտուտին՝ մասնավորապես  100-ամյակի միջոցառումների կազմակերպման գործում:

Back to top button