Հասարակություն

Լուսանկարների ցուցահանդես՝ նվիրված Մեծամորում առկա խնդիրների լուծմանը

satikisahakyan
Նոր գաղափարներ և նոր մոտեցումներ` համայնքային խնդիրների լուծման համար: Արմավիրի մարզում «Մարդամեջ» սոցիալական նորարարության հավաքի մասնակիցները ներկայացրել են տարբեր համայնքների խնդիրներն ուշադրության կենտրոնում պահելու իրենց մոտեցումները, որոնցից երկուսը ֆինանսավորվելու է դոնոր կազմակերպության միջոցներով:

 

Մեծամորցի երիտասարդներն առաջիկայում համերգների միջոցով  Մեծամոր քաղաքում կկազմակերպեն լուսանկարների ցուցահանդես, որն անդրադառնալու է քաղաքում առկա խնդիրների լուծմանը: Խումբը նախատեսել է ստեղծել ինֆոֆոտո լրատվական հարթակ առցանց և  համացանցից դուրս՝ պարբերաբար լուսաբանելով  համայնքի նեգատիվ երևույթները: Գաղափարի իրականացման համար անհրաժեշտ է դրամական աջակցություն՝ լուսանկարչական սարքեր ձեռք բերելու նպատակով:

«Մարդամեջ» սոցիալական հավաքն իրականացվում է  «Մեդիան  քաղաքացիների տեղեկացված  մասնակցության համար»  ծրագրի շրջանակներում Մեդիա նախաձեռնությունների կենտրոնի, Եվրասիա համագործակցության հիմնադրամի, Ինտերնյուսի և ԱՄՆ միջազգային զարգացման գործակալության համատեղ ֆինանսավորմամբ: Ծրագրի ղեկավար Վարուժան Ավանեսյանը տեղեկացրեց, որ ծրագիրը հնարավորություն է տալիս երիտասարդներին համախմբվել և նոր գաղափարների ու նախագծերի միջոցով վեր հանելիրենց  համայնքներում առկա սոցիալական խնդիրները և այն բարեփոխել համախոհների աջակցությամբ:

«Մարդամեջ» սոցիալական հավաքին մասնակցում էին 50-ից ավելի երիտասարդներ:   «Մարդամեջ»-ի լավագույն գաղափարը ինֆոֆոտո լրատվական հարթակն էր և Քարակերտ գյուղի ինֆոդասարանի ստողծումը, որոնք կֆինանսավորվեն ծրագրի շրաջանակներում և կիրականացվեն այդ  համայնքներում:

«Մարդամեջ» սոցիալական հավաքը կշարունակվի իրականացվել նաև մյուս  մարզերում:  Ծրագրի   գործունեության հինգ տարվա ընթացքում  հանրապետության տարբեր մարզերում կընդգրկվեն նոր գաղափարներ , որոնք կփորձեն լուծում ստանալ իրազեկմամբ  օն լայն և օֆֆ լայն, այսինքն՝ առցանց տեղեկատվական հարթակում և համացանցից  դուրս :

Back to top button