Տնտեսական

Մինչ աուդիտի ավարտը ՀԷՑ-ի վաճառքը լուրջ չէ.տնտեսագետ

hasmikdilanyan
Հայաստանի էլեկտրական ցանցեր ընկերությունում նախանշված աուդիտի անցկացման  մրցույթը հայտարարված է, հայտերը ընդունվում են մինչև այս տարվա սեպտեմբերի 30-ը: Այս մասին երեկ կառավարության նիստից հետո լրագրողների հետ զրույցում ասել էր  էներգետիկայի ու բնական պաշարների նախարար Երվանդ Զախարյանը: Նա նաև հայտարարել էր, որ էլեկտրէներգիայի սակագինը չի   փոխվի,  այն արդեն գործում է: Սակագնի վերաբերյալ կառավարության  դիրքորոշումը պարզ կլինի աուդիտի ավարտից հետո միայն: Մինչ այդ, երեկ պարզ դարձավ, որ է «Ինտեր ՌԱՕ ԵԷՍ»-ը դիմել է կառավարությանն ու Հայաստանի էլեկտրական ցանցեր ընկերության  բաժնետոմսերը «Լիորմանդ Հոլդինգզ Լիմիթեդ» ընկերությանն  օտարելու առաջարկ արել: Տնտեսագետ Վահագն Խաչատրյանը մինչ աուդիտի ավարտը ՀԷՑ-ի վաճառքի մասին հայտարարելը, լուրջ չի համարում՝ պարազաբանելով՝ աուդիտից հետո միայն պետք է վաճառքի մասին հայտարարվեր:   Վահանգն Խաչատրյանը շարունակում է պնդել՝  էլեկտրաէներգիայի սակագնի բարձրացման անհրաժեշտություն չկա: Ավելին, դեռ կարելի է սակագինը նվազեցնել, տնտեսագետը նաև ուղիներն է մատնանշել:

 

 

Անակնկալ նախագիծ՝ կառավարության վերջին նիստի օրակարգում:  Երեկվանից մամուլը հեղեղված է «Ինտեր ՌԱՕ ԵԷՍ»-ի՝ Հայաստանի էլեկտրական ցանցեր ընկերության  բաժնետոմսերը  «Լիորմանդ Հոլդինգզ Լիմիթեդ» ընկերությանն օտարելու առաջարկով:  Նախագիծըհ հաստատվեց հանձնարարականով՝   չորս ՝ Էներգետիկայի և բնական պաշարների, Արդարադատության, Ֆինանսների և Էկոնոմիկայի նախարարությունները, ինչպես նաև Հանրային ծառայությունները կարգավորող հանձնաժողովը պետք է ՝ ուսումնասիրեն «Ինտեր ՌԱՕ ԵԷՍ»-ի և «Լիորմանդ Հոլդինգզ Լիմիթեդ»-ի պայմանագին ու եզրակացություն ներկայացնեն:

Օրենսդրությամբ է  ամրագրված, որ առանց կառավարության համաձայնության,  սեփականատերը  չի կարող վաճառել ռազմավարական նշանակություն ունեցող բաշխիչ ցանցերը: Հենց այս պատճառով էլ ռուսական ընկերությունը դիմեց  ՀՀ կառավարությանը:  Հիշեցնեմ, «Ինտեր ՌԱՕ ԵԷՍ» առաջարկում է Հայաստանի էլեկտրական ցանցեր ընկերությունը օտարել  «Լիորմանդ Հոլդինգզ Լիմիթեդ»-ին:  Թե ի՞նչ ընկերություն է սա, ու՞մ է պատկանում,  հարցերի  պատասխանները մամուլը դեռ չունի:  Պաշտոնյաների մի խումբը  վստահեցնում է, որ սեփականատիրոջը կամ սեփականատերերին չի ճանաչում, մյուս խումբն էլ՝  հորդորում է  մեկ շաբաթ սպասել՝ խոստանալով  ներկայացնել բոլոր  հարցադրումների պատասխանները:

Էներգետիկայի ու բնական պաշարների նախարար Երվանդ Զախարյանը չի կարծում, որ Հայաստանի էլեկտրական ցանցեր ընկերությանն էլ Նաիրիտի ճակատագիրն է սպասվում: Հիշեցնեմ, Նաիիտ գործարանը գնեց օֆշորում գրանցված ՌԱՅՆՈՎԻԼ  ընկերությունը, այս ընկերության մասին էլ մինչ Նաիրիտի  գնորդ դառնալը, ոչինչ հայտնի չէ:

«Բոլոր փաստաթղթերը կուսումնասիրվեն: Ես չեմ կարծում, որ նման պատմություն լինի»:

Տնտեսագետ Վահագն Խաչատրյանը հիշեցնում է, որ  մինչ սեպտեմբերի 17-ը ՀԷՑ-ի վաճառքին վերաբերող բոլոր հարցադրումներին անորոշ  պատասխաններ էին տրվում, ռուսական կողմն էլ հայտարարում էր,որ պատրաստ չի վաճառել ընկերությունը: Սակայն երեկվա նորությունը  տնտեսագետը ցնցող է համարում,  քանի որ սպասում էին աուդիտի արդյունքների ավարտին: Խաչատրյանը մինչ աուդիտի ավարտը ՀԷՑ-ի վաճառքը լուրջ չի համարում՝ պարազաբանելով՝ աուդիտից հետո միայն պետք է վաճառքի մասին հայտարարվեր:

Վահագն Խաչատրյանը կանխատեսում է, թե ինչպես  ավարտվելու իր իսկ բնորոշմամբ դեռ գարնանից  սկսված ներկայացումը.

«Մենք ի վերջո կիմանանք, թե ովքեր են գնորդները: Որևէ մեկը 50 եվրո կունենա այդ սայթ մտնելու և ստանալու անհրաժեշտ տեղեկությունները՝ ովքեր են իրականում Կիպրոսում գրանցված ընկերության   ներկայացուցիչները: Դրանից հետո մենք կիմանանք, որ աուդիտը կհիմնավորի,  որ պետք է ոչ  թե 15 տոկոս, այլ՝ 30 տոկոս բարձանար: Տարիներ շարունակ օբյեկտիվ պատճառներով սակագինը չի բարձրացվել, և գոհ ու շնորհակալ եղեք երկրի ղեկավարությանը: Միգուցե կհայտնվեն բնակիչներ, ովքեր կասեն շնորհակալություն, որ 50 տոկոս չեք բարձրացրել, այլ 15 տկոս եք բարձրացրել: Դրանից հետո կհայտնվի  այդ կազմակերպությունը, ես համոզված եմ, որ մեր կյանքում էլեկտրաէներգիյաի առումով որակական փոփոխություններ տեղի չի ունենա, որովհետև հիմնական խնդիրը չի բացահայտվել»:

Ինչպե՞ս ստացվեց, որ շահույթով աշխատող ընկերությունը  վճարունակ չէ, այս և նմանատիպ մի շարք հարցեր այդպես էլ անպատասխան կմնան՝ տնտեսագետի կարծիքն  է:

ՀԱԿ-ը հանձնաժողով է ստեղծել ու էներեգտիկայի ոլորտում ուսումնասիրություններ է կատարում, առաջիկայում կներակայացնեն արդյունքները:  Մինչ այդ, Վահանգն Խաչատրյանը շարունակում է պնդել՝  էլեկտրաէներգիայի սակագնի բարձրացման անհրաժեշտություն չկա: Ավելին, դեռ կարելի է սակագինը նվազեցնել, տնտեսագետը նաև ուղիներն է մատնանշում.

«Որովհետև տարբեր հանգամանքներ կան, սկսած ավելորդ, լրացուցիչ ծախսեր, բարեգործություններ, և իհարկե զուտ արդյունավետ մենեջմենթ,որի մեջ մտնում է 7300 կամ 7500 աշխատող պահելու հանգամանքը, միայն սա»:

Մեր երկրի տնտեսական զարգացումներն էլ  ըստ Վահագն խաչատրյանի  լավատեսական չեն: Ստեղծված իրավիճակից տնտեսությունը դուրս բերելը թանկ կարժենա:   ՀԱԿ անդամի կարծքիով ոչ թե տնտեսական, այլ քաղաքական կամքի պարագայում միայն կարելի է  դուրս գալ ստեղծված իրավիճակից:

Back to top button