ԿարևորՏնտեսական

Սեփականատիրոջ փոփոխությունից սակագինը չի փոխվում

hasmikdilanyan

«Ինտեր ՌԱՕ»  ընկերությունը դիմել է  ՀՀ կառավարությանը՝   «Հայաստանի էլեկտրական ցանցեր» ընկերությունը օտարելու առաջարկով, միաժամանակ  առաջարկելով  100 տոկոս բաժնետոմսերը  օտարել  «Լիորմանդ Հոլդինգզ Լիմիթեդ» ընկերությանը: Ի՞նչ է իրենից ներկայացնում «Լիորմանդ Հոլդինգզ Լիմիթեդ»- ը, ինչո՞վ է զբաղվում, ճի՞շտ են լուրերն, թե սա օֆշորում գրանցված ընկերություն է: Էկոնոմիկայի եւ էներգետիկայի ու բնական պաշարների նախարարներն այս հարցերից որևէ մեկին  պատասխան  դեռ չեն տվել: Երվանդ Զախարյանը, սակայն, հայտարարել է, որ  Հայաստանի էլեկտրական ցանցեր ընկերության վաճառքից հետո էլ էլեկտրաէներգիայի սակագինը չի վերանայվի:

 

Օրակարգային 27 հարց ու շուրջ 30 րոպե. կառավարության այսօրվա նիստում ընդգրկված հարցերից մի քանիսը  մինչ նիստի մեկնարկը հանվեցին օրակարգից:    Սակայն նիստի  մեկնարկից մի քանի րոպե առաջ օրակարգ  մտցվեց ուշագրավ մի նախագիծ՝  «ԻնտերՌԱՕ»  ընկերությունը դիմել է  ՀՀ կառավարությանը՝   ՀԷՑ- ը օտարելու առաջարկով:  «ԻՆՏԵՐ ՌԱՕ»-ն առաջարկում է ընկերության 100 տոկոս բաժնետոմսերը  օտարել «Լիորմանդ Հոլդինգզ Լիմիթեդ» ընկերությանը:

Գերատեսչությունները երեք օր ժամանակ ունեն  փաստաթղթերն ուսումնասիրելու համար: Ի՞նչ է իրենից ներկայացնում «Լիորմանդ Հոլդինգզ Լիմիթեդ» ընկերությունը, ինչո՞վ է զբաղվում, ճի՞շտ են լուրերը, թե օֆշորում գրանցված ընկերություն է:   Էկոնոմիկայի նախարար Կարեն Ճմշարիտյանը  հարցերից  որևէ  մեկի պատասխանը չուներ։ «Ես տեղյակ չեմ, անվանումը, որը ներկայացվեց, դա դեռ ոչինչ չի ասում»,- հայտարարեց։

Մամուլի  հրապարակումների համաձայն՝ «Լիորմանդ Հոլդինգզ Լիմիթեդ»  ընկերությունը 2010թ նոյեմբերին կիպրոսյան օֆշորում գրանցված ընկերություն է: Այս մասին առայժմ լռում է  նաև էներգետիկայի ու բնական պաշարների նախարար Երվանդ Զախարյանը:  Նախարարը, սակայն,  հստակ մի բան գիտի՝ վաճառքից հետո էլ էլեկտրաէներգիայի սակագինը չի վերանայվի:

«Առայժմ չեմ կարող ասել։ Մեկ-երկու օրից՝  ուսումնասիրություններից հետո, բոլոր հարցերին մանրամասն տեղեկատվություն կտրամադրվի: Աուդիտի մասով արդեն կա հայտարարված մրցույթ, մինչև սեպտեմբերի 30- ը հայտեր են ընդունվում՝ աուդիտ անցկացնելու համար: Երևի իր բոլոր պարտավորությունները փոխանցվեն ընկերությանը: Սակագինն այսօր գործում է, ո՞նց կարող է այն վերանայվել: Վերջնական դիրքորոշում սակագնի վերաբերյալ կառավարությունը կունենա հանձնաժողովում կատարվող ուսումնասիրություններից հետո»։

ՀՀ կառավարությունն այսօր ընդունեց  «Գերակա ոլորտում իրականացվող ներդրումային ծրագրի շրջանակում ներմուծվող տեխնոլոգիական սարքավորումները, դրանց բաղկացուցիչ և համալրող մասերը, հումքը և նյութերը ներմուծման մաքսատուրքից ազատելու արտոնության կիրառման համար անհրաժեշտ պայմանները հաստատելու և լիազոր մարմին ճանաչելու մասին» որոշումը: Որոշմամբ սահմանվեց, որ գերակա ոլորտում իրականացվող ներդրումային ծրագրի շրջանակում բացառապես ՀՀ տարածքում օգտագործելու համար նախատեսված տեխնոլոգիական սարքավորումների, դրանց բաղկացուցիչ և համալրող մասերի, հումքի և նյութերի ներմուծումն ազատվում է օրենսդրությամբ սահմանված կարգով մաքսային մարմինների կողմից հաշվարկված մաքսատուրքից, եթե դրանք չեն արտադրվում Եվրասիական տնտեսական միության անդամ  երկրներում։

ՀՀ կառավարությունը հաստատեց նաև Հյուսիս-հարավ ճանապարհային միջանցքի ներդրումային ծրագրի Թալին-Լանջիկ ճանապարհահատվածի հողերի օտարման և տարաբնակեցման ծրագիրը:

Գործադիրը հաստատեց նաև այն հիվանդությունների ցանկը, որոնց առկայության դեպքում քաղաքացին հնարավարություն կունենա  կենսաթոշակային հաշվում առկա միջոցները ստանալ  ամբողջությամբ:  Դրանք են քաղաքացու կյանքին սպառնացող հիվանդություններն են՝ արյան շրջանառության համակարգի, չարորակ նորագոյացությունների, սրտային անբավարարության և այլ ծանր հիվանդությունները։

Կառավարության շենքի առջև այսօր կրկին հավաքվել էին «Նաիրիտ» գործարանի աշխատակիցները: Այս անգամ նրանք  ոչ թե աշխատավարձ, այլ աշխատատեղեր են պահանջում հայրենի կառավարությունից (մանրամասները՝ այստեղ

 

Back to top button