Հասարակություն

ԵՏՄ կազմում Հայաստանին շարունակում է ֆինասավորել ԵՄ-ն

hasmikdilanyan
Երևանում այսօր մեկնարկել է Հայաստանի համար Եվրոպական հարևանության և գործընկերության գործիքի ներքո ֆինանսավորվող «Հայաստանի ազգային վիճակագրական համակարգի ամրապնդում–փուլ II ԵՄ Թվինինգ ծրագրի» պաշտոնական  բացման արարողությունը: Եվրոպական միության կողմից  1,000,000 եվրո բյուջեով ֆինանսավորվող ծրագրի նպատակն է աջակցել Հայաստանի Հանրապետության ազգային վիճակագրական ծառայությանը` ինստիտուցիոնալ Թվինինգ ծրագրի միջոցով արդիականացնելով պաշտոնական վիճակագրության հայաստանյան համակարգի կոնկրետ տարրեր: Սույն նպատակը կիրագործվի՝  ներդնելով ԵՄ ստանդարտներին համապատասխանեցված համապարփակ տարածման ռազմավարություն և կազմման մեթոդաբանություններ: Ծրագրի իրականացման ընթացքում առանցքային կլինի վիճակագրական տեղեկատվության արտադրման նպատակով առկա վարչական ռեգիստրների օգտագործումը:

 

Ազգային վիճակագրական ծառայության պետ Ստեփան Մնացականյանն այսօր անդրադարձել է նաև ծառայության հրապարակած ցուցանիշերի վերաբերյալ պարբերաբար հնչող անվստահությանը:

Վերջին շրջանում ավելի քան երբևէ տնտեսագետների մի մասը իրական չի համարում ԱՎԾ հրապարակած ցուցանիշերը: Դրանք պարբերաբար են հայտնվում քննադատությունների թիրախում: ԱՎԾ պետ Ստեփան Մնացականյանը քննադատություններից տեղյակ է, ավելին, նա դրանք բնական է համարում, քննադատողներին չի վիրավորում, մեղադրանքներին էլ  համաշխարհային վիճակագրական փորձերով է պատասխանում:

«Ողջ աշխարհում, հատկապես ժողովրդավարական սկզբունքների վրա խարսխված տնետսական կարգերում, երբ որ վիճակագրական որևիցե ցուցանիշ է հրապարակվում, դա տեղեկատվություն սպառող մեկի համար  լավ լուր է, մյուսի համար  վատ լուր, երրրորդի համար որևիցե արժեք չի ներկայացնում: Բնականաբար առաջանում են քննադատություններ, և մարդիկ ազատ են ու պետք է կարողանանն ազատ արտահայտվել»:

Անդրադառնալով հարցին, թե ինչպես է, որ միջազգային կառույցների կանխատեսումները ՝ Հայաստանի տնտեսական աճի և ոչ միայն, վերաբերյալ մեղմ ասած, մխիթարական չեն, իսկ  ԱՎԾ ցուցանիշերը այլ բան են փաստում, հանրապետության գլխավոր վիճակագիրը ստանդարտ պատասխան է տալիս՝ ԱՎԾ փաստագրմամբ է  զբաղվում, այլ ոչ թե կանխատեսմամբ:

Երևանում  մեր երկրի ԱՎԾ հերթական Թվինիգ ծրագրի պաշտոնական բացումն էր: Մեկ մլն եվրո գումարով կարդիականանա մեր երկրի վիճակագրական համակարգը:  Գումարը առավելագույնն է, որը կարող է տրամադրվել շահառու երկրին: Ֆինանսների կառավարումը իրականացնելու է Դանիայի վիճակագրական ծառայությունը: Ծառայության տնօրեն Քարսթեն Ուլրեկ Սանգենբերգը նույնպես  Հայաստանում է:

Նա կարևորում է հատկապես  վարչական տվյալների  օգտագործումը  վիճակագրության մեջ:  Այն ոչ միայն արդյունավետ համակարգ է , այլ նաև բավականին մեծ խնայողություն է պարունակում. «Երկրում վիճակագրական տվյալների հիմնական աղբյուր հանդիսանապը մեծապես հեշտացել է, բայց դրա հետ մեկտեղ կան նաև դժվարություններ: Ավելացել են տվյալների ծավալները, մեծացել է  տվյալներ հավաքագրող  կառույցների թիվը: Որպես տեղեկավտության աղբյուր գործում են նաև սոցիալական ցանցերը, ուստի և վիճակագրական ծառայությունն ավելի մեծ կարևորություն է ստանում»:

Ծրագիրը կավարտվի 2017թ օգոստոսին, երբ կավարտվի ծրագիրը, ակնկալվում է ունենալ մշակման  տարածման ռազմավարություն, սպառողների ուժեղացված ներգրավվածություն, ներդրված, հվարկված և հրպարակված սոցիալական բացառումների վիճակագրություն:

Back to top button