Հասարակություն

ՀՀ 10 բուհում ժամանակակից տեխնոլոգիական ծրագրեր են իրականացվել

sonahakobyan

Ծաղկաձորում ավարտվել է «Կրթության որակ և համապատասխանություն» վարկային երկրորդ ծրագրի արդյունքների ներկայացմանը նվիրված համաժողովը: Հանդիպման ընթացքում ներկայացվել է նաև  «Կրթության բարելավման» նոր վարկային ծրագիրը: Համաժողովին մասնակցել է նաև ԿԳ նախարար Արմեն Աշոտյանը և նշել, որ ծրագրի իրականացման տարիների ընթացքում համակարգում զգալի ձեռքբերումներ են եղել: Ներկայացնելով արդեն ավարտվող ծրագրի արդյունքները՝ նախարարն առանձնացրել է հատկապես նախադպրոցական, հանրակրթական և բուհական ձեռքբերումները:

 

«Կրթության որակ և համապատասխանություն» վարկային երկրորդ ծրագիրը մեկնարկել է դեռևս 2009 թվականին: Ներկայացնելով արդեն ավարտվող ծրագրի արդյունքները՝ ԿԳ նախարար Արմեն Աշոտյանը նկատեց, որ ծրագրի իրականացման տարիների ընթացքում համակարգում զգալի ձեռքբերումներ են եղել: Նախարարի փոխանցմամբ՝ այս տարիների ընթացքում փոխվել է նաև ծրագրի բովանդակությունը, այն էլ ավելի է համապատասխանեցվել ներկայիս մարտահրավերներին:

Մեկ առ մեկ ներկայացնելով ծրագրի ձեռքբերումները՝ նախարարն անդրադարձավ նաև բուհական համակարգում  հավատարմագրման ինստիտուտի ստեղծումանն ու զարգացմանը: Ծրագրի շրջանակներում բուհերում ներմուծվել է որակի ապահովման մշակույթը և որոշ բուհեր արդեն անցել են ազգային հավատարմագրում:

Որակի ապահովման և հավատարմագրման գործընթացի արդյունքում՝ համակարգը ևս մեկ քայլով առաջ գնաց, իր հերթին նկատեց ԿԳՆ բարձրագույն եւ հետբուհական մասնագիտական կրթության վարչության պետ Ռոբերտ Սուքիասյանը: Մյուս  կարևոր ձեռքբերումը, դարձյալ բուհերի հզորացման շրջանակներում, նորարարությունների մրցակցային հիմնադրամի ստեղծումն էր  և ՀՀ 10 բուհերում ժամանակակից տեխնոլոգիական ծրագրերի իրականացումը:

Back to top button