Ռուսաստանում Հայաստանից տարված թառափ ձկնատեսակի խոշոր խմբաքանակը թյուրիմացաբար է այրվել համապատասխան կառույցի չինովնիկների անտեղյակության պատճառով: Այսօր լրագրողների հետ հանդիպման ժամանակ կարծիք է հայտնել «Հայ ձկնարտադրողների և ձկնարդյունաբերողների միություն» ՀԿ-ի նախագահ Արթուր Աթոյանը: Հիշեցնենք, որ օրեր առաջ Սոչիի օդանավակայանում Հայաստանից արտահանված թառափ ձկնատեսակի խոշոր խմբաքանակ է առգրավվել ու ոչնչացվել: Խնդրի վերաբերյալ «Հայ ձկնարտադրողների և ձկնարտահանողների միասնություն» ՀԿ պաշտոնական հայտարարությունը դեռ նախապատրաստվում է:
Ի դեպ, Գյուղատնտեսության նախարարության Սննդամթերքի անվտանգության պետական ծառայությունն էլ դիմել է ռուսական կողմին, տեղեկությունների մասին կհարորդեն լրացուցիչ: Օրերս ռուսական լրատվամիջոցները նաև տեղեկություն էին տարածել, որ Ռուսաստանը պատրաստվում է Հայաստանին նորվեգական սաղմոն ձկնատեսակի ներկրումը սահմանափակելու հաղորդում ներկայացնել։
Ըստ ՏԱՍՍ գործակալության՝ ԵՏՄ անդամ երկրներում նորվեգական սաղմոնի ներկման սահմանափակումը պետք է գործեր օգոստոսի 24-ից: Նշենք նաև, որ Սննդամթերքի անվտանգության պետական ծառայությունը ռուսական կողմից պաշտոնական գրություն դեռ չի ստացել:
