ՀասարակությունՑեղասպանություն 100

Հրապարկվել է Ցեղասպանության տարիներին հայերի փրկած թուրքերի եւ քրդերի մասին զեկույց

Ռաուլ Վալենբերգի միջազգային հիմնադրամը և Քլարկի համալսարանի  Հոլոքոստի և ցեղասպանության ուսումնասիրության Սթրասլեր կենտրոնի  Գալուստեան/Մուգար ամբիոնը, պրոֆեսոր Թաներ Աքչամի  հետ նախաձեռնել են մի մեծ հետազոտություն` նպատակ ունենալով հավաքել տեղեկություններ այն թուրքերի և քրդերի մասին, որոնք օգնության ձեռք են մեկնել Հայոց  ցեղասպանության զոհերին:

Հետազոտության հետ կապված այսօր  հայտարարություն են տարածել Ռաուլ Վալենբերգի միջազգային հիմնադրամի նախագահ Էդուարդո Էռնեկյանն ու հիմնադիր Բարուխ Թենեմբաումը։

«Մեզ համար մեծ պատիվ է մեր ուժերը միավորել աշխարհահռչակ  թուրք պատմաբան և սոցիոլոգ Թաներ Աքչամի հետ, ով ջանք չի խնայել` փորձելով իրար համապատասխանեցնել հայերի և թուրքերի պատմածները, ինչպես նաև Քլարկի համալսարանի  Հոլոքոստի և ցեղասպանության Սթրասլեր կենտրոնի նրա ամբիոնի հետ: 

Սա յուրատեսակ փորձ է գտնելու և  մեծարելու  այն  բազմաթիվ թուրքերին  և քրդերին, ովքեր օգնության ձեռք են մեկնել  իրենց հայ հարևաններին, մարդկության ամենամութ ժամանակաշրջաններից մեկում:  Վալենբերգի հիմնադրամը նույնը անում է Հոլոքոստի հետ կապված: Չարիքի վրա կենտրոնանալու փոխարեն  մեր ՀԿ-ն  ձգտում է ընդգծել  այն կանանց և տղամարդկանց համերաշխության ոգին, ովքեր հաճախ վտանգի են ենթարկել իրենց սեփական կյանքը` մյուսներին փրկելու համար: Սա մեր պարտքն է այդ փրկիչների առջև և ամենից առաջ մեր պարտավորությունը երիտասարդ սերնդի առջև, որը պետք է տեղյակ լինի այս օրինակների մասին: 

Այս առնչությամբ իրականացված հետազոտությունը մանրակրկիտ ձևով և ջանասիրաբար իրականացվել է մահմեդական  (թուրքական և քրդական)  նահանգներում, որտեղ տեղի են ունեցել ամենաշատ սպանությունները և որտեղ պատմությունների մեծ  մասը սերնդե սերունդ են փոխանցվել բանավոր կերպով: 

Ինչպես խոստացել էինք, ուսումնասիրությունը հիմա արդեն հրատարակված և ներկայացված է հանրության դատին, որպեսզի  մասնագետները  և հասարակ ընթերցողները կարողանան ծանոթանալ դրան և  իրենց կարծիքը հայտնել:

Բարության ճանաչումը  մեր առաքելության հիմնասյուներից է,  և մենք վստահ ենք, որ այս մանրազնին  ուսումնասիրությունը մեզ թույլ կտա նոր անուններ ավելացնել փրկիչների ցանկում»,- ասված է հայտարարության մեջ։

Զեկույցն ամբողջությամբ դիտել այստեղ

 

Back to top button