Միջազգային

Թբիլիսիում նման ջրհեղեղ եղել է 1960 թ-ին

Գիտա Էլիբեկյան
«Ռադիոլուր»-Թբիլիսի

Թբիլիսին նմանատիպ մի  ջրհեղեղի ականատեսն է եղել նաև 1960-ականներին: Նույն տեղում` Հերոսների հրապարակում, ամբողջությամբ վնասվել է կամուրջն ու  կենդանաբանական այգին: Այս մասին  Ռադիոլուրի հետ զրույցում ասել է Վրաստանի շրջակա միջավայրի պահպանության եւ բնական պաշարների նախկին նախարար, բնապահպան Նինո Չխոբաձեն: Ըստ նրա, դեռ այն ժամանակ փորձաքննության արդյունքներով հաստատվել է, որ Վերե գետի հունին մոտ ոչինչ չպետք է կառուցել, իսկ կենդանաբանական այգին տեղափոխել:

 

 

1960-ականներին Թբիլիսիիում տեղի ունեցած ջրհեղեղը  մարդկային կյանք չէր խլել, սակայն քաղաքի նույն այդ հատվածը ավերակների էր վերածել. ջրի տակ էր  անցել կենդանաբանական այգին, ոնչնչացել էին  կենդանիների մի մասը: Այն ժամանակ նույնպես պատճառը «Վերե» գետն էր, որը գալիս է լեռներից և  ամեն անգամ հորդառատ անձրևների ժամանակ  ողբերգական հետևանքներ է ունենում:  Վրաստանի շրջակա միջավայրի պահպանության եւ բնական պաշարների  նախկին նախարար  Նինո Չխոբաձեն ասում է. «Այն ժամանակ անցկացված  փորձաքննությունը հանգեց այն եզրակացության, որ ոչ մի դեպքում  Վերե գետի հունին մոտ ոչինչ չպետք է կառուցել, իսկ կենդանաբանական այգին պետք է տեղափոխել»:

Կենդանաբանական այգին չտեղափոխվեց, սակայն երկար ժամանակ ոչ մի իշխանություն այդտեղ ճանապարհ չկառուցեց: Միայն նախկին իշխանությունները` Միխաիլ Սահակաշվիլիի գլխավորությամբ 2010-ին  շատ կարճ ժամանակահատվածում  շահագործման հանձնեցին Վակե-Սաբուրթալո ճանապարհը:

Կլիմայի գլոբալ փոփոխությունները մեծ ազդեցություն են ունենում ամենուր`  անմասն չթողնելով նաև կովկասյան տարածաշրջանը:  Իսկ Թբիլիսին որ գտնվում է կիրճում, ըստ  բնապահպանի ունի իրեն հատուկ կլիման:  Շատ հաճախ ուշեղ քամիներ, իսկ այս ամիսներին հորդառատ անձրևներ:

«Ճանապարհը կառուցելուց առաջ այս ամեն պետք է հաշվի առնվեր…»,-ասում է նախկին նախարարը:

Ճանապարհն ըստ  Չխոբաձեի,  անհրաժեշտ է,  և  հետագայում նմանտիպ աղետներից խուսափելու համար լուրջ հետազոտություն  պետք է անցկացնել, բոլոր ռիսկերը բացառելով միայն,  վերակառուցել այն:

Իսկ ինչ վերաբերում է կենդանաբանական այգուն, ներկա  իշխանություններն արդեն հայտարարել են, որ այն կտեղափոխեն:

Ցուցադրել ավելի
Back to top button