ՀՀ վարչապետի աջակցությամբ Մշակույթի նախարարության նախաձեռնությամբ լույս է տեսել «100 հայկական մեղեդի» անունը կրող խտասկավառակների հավաքածուն, որն իր մեջ ներառում է 8 խտասկավառակ, որոնցից յուրաքանչյուրը ներկայացնում է երաժշտական ժանրի մի տեսակ և նվիրված է Հայոց ցեղասպանության 100-րդ տարելիցին: Այսօր լրագրողների հետ հանդիպմանը խտասկավառակի ստեղծմանն են անդրադարձել ՀՀ մշակույթի փոխնախարար Արթուր Պողոսյանը, Հայաստանի կոմպոզիտորների միության նախագահ Արամ Սաթյանը, երաժիշտ Վահագն Հայրապետյանն ու ստեղծման աշխատանքներին մասնակցած Միքայել Տոնիկյանը: Նշենք, որ խտասկավառակը նախատեսված չէ վաճառքի համար, այն հուշանվերային հրատարակություն է և լույս է տեսել 100 օրինակով:
