Տնտեսական

ԱԺ- ն ընդունեց արտագնա աշխատողներին հարկելու մասին օրինագիծը

lusinevasilyan

Երեկվա բուռն քննարկումից հետո խորհրդարանն այսօր ձայների 65 կողմ, 21 ձեռնպահ , 16 դեմ հարաբերակցությամբ ընդունել է եկամտահարկի  և շահութահարկի  օրենքներում փոփոխություններ առաջարկող  աղմկահարույց օրենսդրական փաթեթը: Կողմ է քվեարկել ՀՀԿ- ն, ձեռնպահ՝ ԲՀԿ-ն, մյուս խմբակցությունները  դեմ են քվերակել:

Կառավարությունը, հիշեցնենք,  առաջարկում է փոփոխություններ կատարել «Եկամտային հարկի մասին» և «Շահութահարկի մասին» օրենքներում և 13 % հարկային  դրույքաչափ սահմանել այն վարձու աշխատողների համար, ովքեր գործատուների հետ կնքված պայմանագրով աշխատանքներ են կատարում ՀՀ տարածքից դուրս:

Խոսքը վերաբերում է շինարարական արտագնա աշխատանքներին:  Նախագծի հիմնավորման մեջ կառավարությունը նշում է, որ հարկային փոփոխությունը կխթանի շինարարական ծառայությունների արտահանումը և լրացուցիչ մուտքեր կապահովի ՀՀ բյուջե:

Ընդդիմադիրները կարծում են, որ նախագիծը խթանելու է արտագաղթը:   Բոլոր ուժերը քվեարկությունից առաջ կրկնել են իրենց դիրքորոշումները՝ խոսելով ոչ միայն նախագծի, այլ նաև կարևոր փաթեթն արտահերթ նիստերում հատուկ կարգով քննարկելու մասին:

Ցուցադրել ավելի
Back to top button