Ցեղասպանություն 100Քաղաքական

Նպատակը թուրքերին հալածելը չէ. Ազնավուրը Ցեղասպանության ճանաչման մասին

Europe 1 ռադիոցանցին տված հարցազրույցում աշխարհահռչակ շանսոնիե Շառլ Ազնավուրը անդրադարձել է նաեւ Հռոմի պապի կիրակնօրյա պատարագի ժամանակ Հայոց ցեղասպանության մասին հայտարարությանը, հայտնում է «Արմենպրեսը»։

Լրագրող Նիկոս Ալիագասի հարցին, թե արդյո՞ք Հռոմի Ֆրանցիսկոս պապի հայտարարությունը ինչ­- որ բան կփոխի Հայոց ցեղասպանության ճանաչման հարցում, Ազնավուրը նշել է. «Կարող է փոխել և պիտի փոխի, հակառակ դեպքում` երիտասարդությունը կըմբոստանա, որովհետեւ կցանկանա իրականությունն իմանալ, չի ցանկանա բանտարկված մտքով ապրել»,-­ ասել է Ազնավուրը:

Ազնավուրը նաև նշել է, որ իր նպատակը թուրքերին հալածելը չէ, այլ որ նրանք էլ Հայկական հարցին վերաբերվեն այնպես, ինչպես ինքն է վերաբերվում: Շանսոնիեն ապրիլի 24­- ին լինելու է Երևանում:

Europe 1 ռադիոցանցի հարցազրույցը նվիրված է եղել մայիսի 4­- ին կայանալիք ալբոմի շնորհանդեսին։ Իսկ սեպտեմբերի 15- ­27­- ը Փարիզի Սպորտի պալատում երգիչը 6 համերգ է տալու: Ազնավուրը մայիսի 22- ­ին կնշի իր 91- ­րդ տարեդարձը:

Ցուցադրել ավելի
Back to top button