Անջեյ Կասպրչիկը խոցված ուղղաթիռի անձնակազմի ճակատագիրը կքննարկի Բաքվում
Լուսինե Ավանեսյան
«Ռադիոլուր»-Ստեփանակերտ
ԵԱՀԿ Գործող նախագահի անձնական ներկայացուցիչ Անջեյ Կասպրչիկը արցախյան խոցված ուղղաթիռի անձնակազմի ճակատագիրը պատրաստվում է քննարկել Բաքվում,- այս մասին դեսպանն ասել է Արցախի հանրային հեռուստատեսությանը տված հարցազրույցում: Երեկ նա մասնակցել է ԼՂՀ և Ադրբեջանի զինված ուժերի շփման գծում տեղի ունեցած հերթական դիտարկմանը, որն անցել է առանց միջադեպերի:
Արցախում շատերն էին սպասում, որ ԵԱՀԿ դիտարկման խումբը շփման գծի դիտարկումը կանցկացնի այն ուղությամբ, որտեղ ԼՂՀ պաշտպանության բանակի ուղղաթիռն էր խոցվել: Դեսպան Կասպրչիկի խոսքով ՝ առայժմ դա հնարավոր չեղավ իրագործել:
Հիշեցնենք, որ նոյեմբերի 18-ի դիտարկումը տեղի է ունեցավ Ասկերանի ուղղությամբ: Դիտարկումն անցել է ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել: