Միջազգային

CNN հեռուստաալիքը Ռուսաստանում չի հեռարձակվի

2014 թ. դեկտեմբերի 31-ից  CNN լրատվական հեռուստաալիքը դադարեցնում է հեռարձակումը Ռուսաստանում,-  գրում է TASS-ը: Այդ մասին ասված է եղել  հեռուստաալիքի սեփականատեր Turner International ընկերության նամակում:

«Turner International-ը դիտարկում է Ռուսաստանում  CNN-ի տարածման այլընտրանքային հնարավորություններ՝ ՌԴ օրենսդրությունում վերջին փոփոխությունների կապակցությամբ», – ասվում է նամակում: Turner International –ի ներկայացուցիչները հույս են հայտնել, որ ժամանակի հետ հեռուստաալիքին կհաջողվի վերադառնալ ռուսական շուկա: Ըստ ընկերության հայտարարության՝ CNN-ի Մոսկվայի բյուրոյի գործունեության վրա այդ քայլը չի ազդի:

Աղբյուրը նշում է, որ վերջերս ռուսական իշխանությունները հաճախ են դժգոհում անկախ լրատվամիջոցների աշխատանքից, հիմնականում՝ միջազգային, կապված Ուկրաինայում իրադարձությունների լուսաբանման հետ: Մամուլի վերահսկողության ոլորտի ռուսական գերատեսչությունը հայտարարել է, որ  կապ չունի CNN-ի հեռարձակումը դադարեցնելու հետ:

Ցուցադրել ավելի
Back to top button