Կրեմլը չի ճանաչում Դոնեցկի եւ Լուգանսկի ընտրությունները

Կրեմլը հայտարարել է, որ չի ճանաչում Դոնեցկի և Լուգանսի ինքնահռչակ հանրապետություններում կայացած ընտրությունները։

Ինչպես այսօր պարզաբանել է Ռուսաստանի նախագահի օգնական Յուրի Ուշակովը, Մոսկվան հարգում է, սակայն չի ճանաչում նոյեմբերի 2-ին կայացած ընտրությունները:

Ուշակովը պարզաբանել է, որ քվեարկության հաջորդ օրն իսկ արված հայտարարության մեջ Ռուսաստանի արտգործնախարարությունը հայտարարել էր, որ հարգում է Դոնբասի ժողովրդի ազատ կամարտահայտումը, դա չի նշանակում ճանաչել ընտրությունները։

Հիշեցնենք, որ Արևմուտքը Ռուսաստանին սպառնացել էր նոր պատժամիջոցներով՝ ընտրությունները ճանաչելու դեպքում։