Հասարակություն

Արցախյան պատումի՝ «Ապրելու բանաձեւ»- ի հերթական հատորը

Ալիսա Գեւորգյան
«Ռադիոլուր»

«Նա իր վիշտը բռունցք արած  ստանձնեց արցախյան պատերազմի  բանահավաքի ու  պատմիչի դերը: Այն, ինչ թվում է վերջն էր, Գոհարը կարողացավ դարձնել սկիզբ»,- այսօր ասել է Կանանց հանրապետական խորհրդի նախագահ Նորա Հակոբյանը՝ Գոհար Մարտիկյանի «Ապրելու բանաձեւ» մատենաշարի 7- րդ հատորի շնորհանդեսի ժամանակ։

«Մենք անպայման կունենաք այն Հայաստանը, որի մասին երազում է մեզնից յուրաքանչյուրը, եթե այս հերոսների սխրանքի պատմությունն  ու նրանց  ապրելու բանաձևը դառնա մեր ապրելու բանաձևը»,- ասում է մատենաշարի հեղինակը։

«Ապրելու բանաձեւ»- ը նաեւ հաղորդաշար է, որը տարիներ շարունակ հնչում է Հանրային ռադիոյի եթերում եւ պահպանվում ոսկե ֆոնդում։

Նյութն ինքնին հուզիչ է, բայց նաև հույս, հպարտություն ու լավատեսություն ներշնչող: Հաղորդաշարի եւ մատենաշարի հեղինակ Գոհար Մարտիկայնը մեկ առ մեկ հավաքում ու ներկայացնում է արցախյան ազատամարտում անմահացած մեր քաջազունների կյանքն ու նրանց սխրանքի պատմությունները` յուրաքանչյուր պատմության հետ վերապրելով  սեփական վիշտը։ Նրա որդին՝ սերժանտ Աշոտ Չախոյանը հատուկ նշանակության գնդի առաջին զոհն էր:

«Շնորհակալություն, որ ձեր «Ապրելու բանաձեւ»- ով ուժեէ տալիս բոլորիս եւ առաջին հերթին ինձ»,- ասում է  2014-ի հունվարին ադրբեջանական դիվերսիոն հարձակումը հերոսաբար ետ մղած կրտսեր սերժանտ Արմեն Հովհաննիսյանի մայրը:

Ցուցադրել ավելի
Back to top button