Շվեյցարիայում ՀՀ արտակարգ եւ լիազոր դեսպան, երգիչ, աշխարհահռչակ շանսոնյե Շառլ Ազնավուրը որևէ թուրքական թերթի հարցազրույց չի տվել և մրցանակ չի ընդունել։ Այս մասին գրված է ՀՀ արտաքին գործերի նախարարության ֆեյսբուքյան էջում:
Հիշեցնենք, որ երեկ թուրքական «Posta» թերթը հարցազրույց էր հրապարակել աշխարհահռչակ շանսոնյե Շառլ Ազնավուրի հետ, նաեւ տեղեկացրել, թե իբրեւ ֆրանսահայ երգիչն արժանացել է «Ոսկե սոսի» մրցանակի:
