ԿարևորՔաղաքական

Իսրայելը չպետք է զենք վաճառի Ադրբեջանին.Յաիր Աուրո

Ցեղասպանություն իրականացնող կառավարություններին զենք վաճառելը հավասարազոր է Համաշխարհային երկրորդ պատերազմի ժամանակ Նացիստական Գերմանիային զենք վաճառելուն,- իսրայելական «Հաարեց»  օրաթերթին  ասել է պրոֆեսոր Յաիր Աուրոն: 

Հոդվածի հեղինակը քաջատեղյակ է ԼՂ հիմնահարցին, խաղաղության մրցանակ է ստացել Հայաստանի Հանրապետության նախագահից, եղել է ՀՀ-ում, և անձամբ դիմել է Իսրայելի Պաշտպանության նախարարությանը՝ խնդրելով զենք չվաճառել Ադրբեջանին:

Պրոֆեսորը նշում է, որ նման դիրքորոշում է հայտնում Ադրբեջանում հայերի դեմ ատելության է՛լ ավելի լայն հռետորաբանության ֆոնին:

«Այս լույսի ներքո, երբ Ադրբեջանում շարունակում են աճել հայերի նկատմամբ ատելության դրսեւորումները,  ինչպես նաեւ ավելանում է Ադրբեջանի ռազմական ներուժն ու ներքին լարվածությունը, ուստի պատերազմի վերսկսման դեպքում, Ադրբեջանը հայ բնակչության դեմ կրկին ջարդեր կիրականացնի ՝ ինչպես Հայաստանում, այնպես էլ հայերի անկլավ Լեռնային Ղարաբաղի վիճելի շրջանում:

Նախորդ ամսին Իսրայելի պաշտպանության նախարար Մոշե Յաալոնին մեկնել էր Ադրբեջան՝ հանդիպելու երկրի  ռազմական եւ պետական գերատեսչությունների ղեկավարների ​՝​ այդ թվում նաեւ երկրի նախագահի հետ:

Բայց հակամարտության հանգուցալուծումը գուցե դեռ շատ չի ուշացել: Իսրայելը բարոյական պարտականություն է կրում այս հարցի կապակցությամբ՝ միջազգային պարտականություն: Շատ լուրջ կլինի, եթե Ադրբեջանի անվտանգության ուժերը պատերազմական մարդկության դեմ կատարեն հանցագործություն՝ օգտագործելով իսրայելական զինամթերքը:

Հաջորդ տարի կլրանա հայ ժողովրդի դեմ իրականացրած ցեղասպանության 100-րդ տարելիցը, իսկ ադրբեջանցիների հարձակումները, եթե տեղի ունենան, այդ օրերի ցավալի իրադարձությունների հիշեցում կարող է լինել»:

Հոդվածագիրը նշում է, որ վերջին տարիներին Իսրայելը դարձել է Ադրբեջանին զենք մատակարարող գլխավոր երկրներից մեկը, եթե ոչ հիմնականը:

Սակայն սա առաջին անգամը չէ, որ Իսրայելը զենք է վաճառում ցեղասպանություն գործող կողմին. այդպես, 1990-ականների Բալկանյան պատերազմում Իսրայելը զենք էր վաճառում սերբերին՝ չնայած ՄԱԿ-ի արգելանքին:

Ցուցադրել ավելի
Back to top button