Վարչապետը ներկա է գտնվել «Փոքր Մհեր»-ի Նուբարաշենի մասնաճյուղի սաների երդման արարողությանը

Հասմիկ Դիլանյան
«Ռադիոլուր»

Նուբարաշեն համայնքում գտնվող Թիվ 18 հատուկ դպրոցի նախկին կիսավեր շենքի փոխարեն այսօր  նույն վարչական տարածքում գործում է «Փոքր Մհեր» կրթահամալի Նուբարաշենի մասնաճյուղը: Այստեղ սովորում են վեցից իններորդ դասարանի 154   աշակերտ, հիմնական դպրոցն ավարետլուց հետո երեխաները կրթությունը շարունակում են Քանաքեռավանում գտնվող համալիրում: Դպրոցի սաների կամ իրենց իսկ ձևակերպմամբ «հայկազունների» երդման արարողությանն այսօր  ներկա է գտնվել  ՀՀ վարչապետ Հովիկ Աբրահամյանը: Նա նաև շրջել է նորակառույց  մասնաշենքով, ծանոթացել կրթահամալիրի մասնաճյուղի պայմաններին: